खोज

रुपन्देही, २१ माघ ।

रुपन्देही लुम्बिनी होटल संघ नेपालको छैठौं साधारण सभा तथा बनभोज कार्यक्रम २०८१ कन्चन गाउँपालिकाको गजेडी तालमा सम्पन्न गरेको छ। लुम्बिनी होटल संघ नेपालका अध्यक्ष गोविन्द ज्ञवालीले कार्यक्रममा बोल्दै लुम्बिनी होटल संघ स्थापना कालदेखि लुम्बिनीका होटल व्यवसायहरूलाई व्यवस्थित गर्दै पर्यटन प्रवर्धन नेपालको समग्र विकासमा पर्यटन क्षेत्रले महत्वपूर्ण भूमिका रहेको छ र रहनेछ। त्यसमा पनि लुम्बिनीको पर्यटनको संभावना देशकै सबैभन्दा धेरै रहेको छ। लुम्बिनीको महत्व र गरिमालाई हामीले विश्वसमक्ष बुझाउन नसकिरहेको आजको अवस्थामापनि लुम्बिनीमा विश्वका धेरै देशहरूबाट देशकै सबैभन्दा धेरै संख्यामा पर्यटक आएको कुरा तथ्यांकले बताएको छ।

भगवान गौतम बुद्धको पवित्र जन्मस्थल भएकै कारणले यहाँको पर्यटन प्रचुरको संभावना रहेको कारण सरकारले लुम्बिनीलाई विशेष रूपमा हेरेको छ र ठूलो लगानी समेत गरेको छ। लुम्बिनी होटल संघ नेपाल लुम्बिनीमा पर्यटन क्षेत्रमा स्थापित संस्थाहरू मध्ये जेठो संस्था हो। करिव १६ वर्षदेखि लुम्बिनीमा विभिन्न रूपमा कार्य गर्दै, विगत ६ वर्षदेखि विधिवत दर्ता भइ कार्यरत यस संघमा बुद्ध जन्मस्थल वरपर खुलेका लुम्बिनीका ७२ वटा होटलहरू आवद्ध भएतापनि अनौपचारिक रूपमा लुम्बिनी वरपरको समग्र पर्यटन व्यवसायीहरूको छाता संस्थाका रूपमा यसले कार्य गर्दै आइरहेको छ। यस संघले विगतका वर्षहरूमा झैं यस वर्ष पनि लुम्बिनीमा आफ्नो संस्थागत भूमिकामा देखिनेगरी विभिन्न कार्यहरू गर्दै आइरहेको विधितै छ। कतिपय अघिल्ला वर्षहरूमा गर्न नसकिएका कार्यहरू पनि गर्दै र अघिल्ला वर्षहरूमा अघि बढाइएका कार्यहरूलाई निरन्तरता दिने ज्ञवालीले बताए।

लुम्बिनी होटल संघ नेपालका महासचिव पुरुषोत्तम अर्यालले यस संघले विगतको वर्षभरिमा गरिएका कामहरूको कार्य प्रगति प्रतिवेदन प्रस्तुत गर्दै र आगामी वर्ष गरिने कार्यहरू सहितका भावी योजनासहित संस्थागत प्रतिवेदन अर्यालले प्रस्तुत गर्नुभएको थियो।

कार्यक्रम गोविन्द ज्ञवालीको अध्यक्षतामा संघका सल्लाहकार हेम बहादुर बिष्टको प्रमुख अतिथिमा, लिलामणी शर्माको विशिष्ट अतिथिमा, अध्यक्ष मिथुन मान श्रेष्ठ, उपाध्यक्ष लिलामणी शर्मा, उपाध्यक्ष शेखर कार्की, सचिव भुपेन्द्र गुरुङ, टीका कुमारी कट्टेल लगायतले आफ्नो मन्तव्य राखेका थिए।

साधारण सभाले रिक्त कोषाध्यक्ष पदमा कृष्ण खत्री र सह-कोषाध्यक्ष पदमा जगत थापालाई चयन गरि लुम्बिनी होटल संघ नेपालको छैठौं साधारण सभा तथा बनभोज कार्यक्रम गजेडी तालमा सम्पन्न भएको छ।