© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौं, १८ माघ ।
राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो सांसद पदबाट गरिएको निलम्बन फुकुवाका लागि सभामुख देवराज घिमिरेसमक्ष निवेदन दिएका छन्। उनले शुक्रबार सभामुख घिमिरेको कार्यकक्षमा पुगेर निलम्बन फुकुवाका लागि निवेदन दिएका हुन्।
लामिछानेले कास्की, काठमाडौँ र रुपन्देही जिल्ला अदालतहरूले उनलाई धरौटीमा रिहा गरेको र उनले फौजदारी कसुरमा दोषी ठहर नभइसकेको भन्दै सांसद पदबाट निलम्बन गर्न नहुने तर्क गरेका छन्।
उनले भने, “म निवेदक चितवन जिल्ला क्षेत्र नम्बर-२ बाट प्रतिनिधि सभा सदस्यमा निर्वाचित सदस्य हुँ। म निवेदकलाई फौजदारी कसुरको अनुसन्धानको क्रममा मिति २०८१/०७/०२ गते पक्राउ गरिएको सूचना नेपालको संविधानको धारा १०३ को उपधारा (६) अनुसार जारी भएको छ।”
लामिछानेले थपे, “उक्त बमोजिमको फौजदारी कसुरको अनुसन्धान हुँदै विभिन्न अदालतहरूमा मुद्दा दायर गरिएपछि अदालतहरूले उनलाई थुनामुक्त गर्न आदेश दिएको छ।”
सांसद लामिछानेले आफ्नो निलम्बनको निर्णयलाई पुनः समीक्षा गरी सदनमा आफ्नो उपस्थितिका लागि सभामुखसँग अनुरोध गरेका छन्।
© २०२३
सर्वाधिकार सुरक्षित
Design & Developed By:
