खोज

बुटवल, १८ माघ । नेपाल पर्यटन तथा होटल श्रमिक संघ जिल्ला कार्यसमिति रूपन्देहीको अधिवेसनबाट पर्यटन ब्यवसायी थम्मन बहादुर भण्डारीको अध्यक्षतामा ११ सदस्यीय नया नेतृत्व चयन भएको छ । शुक्रबार बुटवलमा सम्पन्न संघको चौथो अधिवेशनबाट संघको उपाध्यक्ष मिना बेल्वासे, सचिव अर्जुन पोखरेल, सहसचिव श्रीराम भण्डारी, कोषाध्यक्ष जनक पाण्डे तथा सदस्यहरुमा कमला पाण्डे, रिम बहादुर थापा, गोकर्ण रायमाझी, पिताम्बर राना, रूप भण्डारी, मिना बस्याल निर्वाचित भएका छन ।

कार्यक्रममा पद हस्तान्तर लगत्तै नवनिर्वाचित अध्यक्ष भण्डारीले यस क्षेत्रमा छरिएर रहेका श्रमिक र ब्यवसायीहरुलाई गोलबद्घ गरि हकहितमा आवाज बुलन्द गर्ने प्रतिवद्घता जनाए । होटल श्रमिकहरुमा रहेको स्थाईत्वको समस्या, दक्षता वृद्धि लगायतमा आफु लाग्ने बताउदै उनले समितिमा २ जना सदस्यलाई समेत क्रियाशिलताको आधारमा मनोनित गर्ने बताए ।

कार्यक्रममा नेपाली कांग्रेस रूपन्देही सभापति रामकृष्ण खांण, कांग्रेस नगर सभापति खेलराज पाण्डेय, रुपन्देही होटल तथा रेष्टुरेन्ट ब्यवसायी संघका अध्यक्ष लेखनाथ भण्डारी, ट्रेड युनियन कांग्रेस रूपन्देही सभापति रामप्रसाद ढकाल, प्रदेश सचिव केशवराज पाण्डे, निर्वाचन अधिकृत काजिमान श्रेष्ठ, लुम्बिनी प्रदेशका अध्यक्ष सन्तोष खड्काले श्रमिकको हकहितमा अग्रसर रहन सुझाव दिए ।