© 2026
१० चैत्र २०८२, मंगलवार
१० चैत्र २०८२, मंगलवार
पाल्पा ।
पाल्पा जिल्लामा कक्षा ६ देखि १० सम्म अध्ययन गर्ने दश हजार बढी किशोरीलाई पाठेघरको मुखको क्यान्सरविरुद्धको एचपीभी खोप दिइने तयारी गरिएको छ।
संघीय सरकारको पहलमा शुरु भएको यस अभियानमा, स्वास्थ्य कार्यालय पाल्पाले जानकारी दिएका अनुसार, जिल्लाका १० स्थानीय तहका १० हजार ४५८ किशोरीलाई खोप लगाइनेछ। यी किशोरीमध्ये १० हजार ३८८ जना विद्यालयमा अध्ययनरत छन् भने ७० जना विद्यालय बाहिरका छन्।
अभियान दुई चरणमा सञ्चालन हुनेछ। पहिलो चरण माघ २२ देखि २६ गतेसम्म पाँच स्थानीय तहमा सञ्चालन हुने छ भने दोस्रो चरण माघ २८ देखि फागुन ४ गतेसम्म पाँच अन्य स्थानीय तहमा सञ्चालन हुनेछ।
यस्तो खोप केन्द्रहरू २३५ विद्यालय र ७७ स्वास्थ्य संस्थामा बनाइनेछन्। ३१५ स्वास्थ्यकर्मी र ६२७ स्वयमसेवकले यस अभियानमा भाग लिनेछन्।
विद्यालय बाहिरका किशोरीहरूलाई स्वास्थ्य चौकीमा खोप केन्द्र बनाएर कार्यक्रमको हिस्सा बनाउन योजना बनाइएको छ।
पाल्पाका प्रमुख स्वास्थ्य अधिकारी, टुकप्रसाद पोखरेलका अनुसार, कार्यक्रमको सफलताका लागि विद्यालय र पालिकास्तरका स्वास्थ्य शाखाले सक्रिय भूमिका खेल्नुपर्नेछ। जिल्ला समन्वय समितिका प्रमुख, टंकनाथ खनालले पनि सबै सरोकारवालालाई पहल गर्न आग्रह गरेका छन्।
© 2026
All rights reserved.
Design & Developed By:
