खोज

बुटवल, १२ माघ । नेसनल प्याब्सन बुटवलको आयोजनामा भएको गायन र वक्तृत्वकला प्रतियोगितामा देवदहको न्यु लुम्बिनी बोर्डिङ्ग स्कुलका विद्यार्थी प्रथम भएका छन । बार्षिक कार्यक्रम अन्तर्गत रूपन्देहीका नेशनल प्याब्सनसंग आबद्ध विद्यालयका विद्यार्थीहरूबिच भएको प्रतिष्पर्धामा गायनतर्फ देवदहको न्यु लुम्बिनी बोर्डिङ्ग स्कुलका छात्रा जानकी पौडेल प्रथम, सुनगाभा पब्लिक सेकेन्डरी स्कुल खिम बहादुर राना द्वितीय, नमुना एभर ग्रिनका नुराङ्ग सारू तृतीय र सेन्ट जोसेभ बोडिङ्ग स्कुलकी इशा गुरूङ सान्त्वना भएका छन् । त्यस्तै गरी वक्तृत्वकला प्रतियोगितामा न्यु लुम्बिनी बोर्डिङ्ग स्कुलकी छात्रा खुसी घर्ती मगर प्रथम, स्कलर्स होमकी छात्रा शैलेसा शर्मा द्वितीय, देवदह इङलिस बोडिङ्ग स्कुलका प्रशान्त देवकोटा तृतीय र बुटवल ग्लोरी बोर्डिङ्ग स्कुलकी छात्रा अन्शु अर्याल सान्त्वना भएका छन् ।

एक कार्यक्रमका बिच नेसनल प्याब्सन केन्द्रीय सचिव कृष्णप्रसाद पौडेल, नेशनल प्याब्सनका केन्द्रीय सदस्य विष्णुप्रसाद पौडेल, नेशनल प्याब्सन लुम्बिनी प्रदेश सहसचिव जेवी क्षेत्री, रूपन्देही जिल्ला सल्लाहकार प्रकाश भट्टराई, बुटवल बहुमुखी क्याम्पस नेपाली विषय विभागीय प्रमुख डा.नारायणप्रसाद पन्थ, निवर्तमान अध्यक्ष विल गुरूङ, कोषाध्यक्ष विनोद थापा, सदस्य शंकर गौतम, कमल पौडेलले विजेता, उपविजेता विद्यार्थीलाई नगदसहित मेडल, प्रमाणपत्रबाट सम्मान गरेका थिए ।

नेसनल प्याब्सन लुम्बिनी प्रदेशका सम्पूर्ण जिल्लाबाट प्रथम, द्वितीय हुने दुवै विधाका विद्यार्थीहरु माघ १७ गते दाङको देवखुरीमा आयोजना हुने प्रदेश स्तरीय प्रतियोगितामा भाग लिने स्कलर्स होमका प्राचार्य नेशनल प्याब्सन रूपन्देहीका वरिष्ठ उपाध्यक्ष बाबुराम बन्जाडेले बताए ।
कार्यक्रममा नेसनल प्याब्सन रूपन्देहीका अध्यक्ष तिलव के.सीले बालबालिकाहरुको प्रतिभा प्रस्फुटन हुने गरि वार्षिक रुपमा नगर, जिल्ला र प्रदेश स्तरमा कार्यक्रमहरु गर्दै आएको बताए ।

कार्यक्रमको गायन, संगीत मुल्यांकनमा गायक तथा संगितकार सौगत सायर र पप गायक वसन्त श्रेष्ठ निर्णायक रहेका थिए । वक्तृत्वकला प्रतियोगितामा निर्णायक मण्डलमा प्रा.डा.हिरण्यलाल ज्ञवाली र प्राध्यापक कृष्णप्रसाद पाण्डे रहेका थिए । कार्यक्रममा गायक सौगात सायरले विभिन्न गीत गाएर मनोरन्जन प्रदान गरेका थिए ।