खोज

बुटवल, १२ माघ । राजमार्ग चौराहदेखी गोलपार्कसम्मको मुख्य राजमार्गको काम तिब्र गतिमा अघि बढेको इन्जिनियर एसोसिएसन लुम्बिनी प्रदेशका अध्यक्ष ई. महेश्वर लम्सालले बताएका छन । पटकपटक अवरोधका कारण रोकिएको बिस्तारको काम पछिल्लोसमय भने तोकिएकै समयमा सकिने गरि काम भएको उनले दाबी गरे । शनिबार बुटवलमा रोटरी क्लब अफ बुटवलको १५५० औं नियमित बैठकमा सम्बोधन गर्दै उनले सडक बिस्तारसंगै बुटवल नगरको सौन्दर्यलाई बढाउने दाबी गरे । ‘नगर सुन्दर बन्छ र ट्राफिक ब्यवस्थापनमा साईड लेनको कारण थप सहज हुन्छ ।’– उनले भने । सिक्स लेन सडक निर्माणले बुटवलको यातायात व्यवस्थापनलाई सहज बनाउने मात्र नभई आर्थिक गतिविधिलाई समेत तीव्रता दिने उनले दाबी गरे । परियोजनाको कार्यान्वयनका क्रममा नीति नियमका कारण सिर्जना भएका अवरोधहरू समाधान गर्न तीन तहकै सरकार, सरोकारवालाबीच समन्वय हुदा पछिल्लोसमय सहज भएको उनले बताए ।

कार्यक्रममा क्लबका अध्यक्ष रो. प्रज्वल थान्जुले बुटवलको भौतिक विकासको गति र मुख्य राजमार्गमा साइड लेन निर्माणसंगै बजार चलायमान हुने भन्दै यसलाई समयमा नै सक्नुपर्ने बताए । साइड लेनको निर्माण सिक्स लेन सडकको महत्वपूर्ण हिस्सा भएको बताउँदै उनले पैदल यात्री र साइकल यातायातका लागि सुरक्षित र व्यवस्थित संरचना निर्माण गर्न जोड दिए ।

कार्यक्रमका क्रममा क्लबका कोषाध्यक्ष रो. लक्ष्मण प्रसाद श्रेष्ठको जन्मदिन र पूर्वअध्यक्ष रो. दिल्ली कुमार श्रेष्ठको वैवाहिक वर्षगाँठको अवसरमा क्लबका अध्यक्ष रो. प्रज्वल थान्जुले शुभकामना व्यक्त गरे ।