खोज

बर्दिया, ११ माघ ।

माघ १५ गते देखि बढैयाताल गुञ्जिने भएको छ । थारू कल्याणकारिणी सभा बढैयाताल गाउँपालिका गाउँ सभाको आयोजनामा महोत्सव हुने भएको हुँदा बढैयाताल गुञ्जिने भएको हो ।

बर्दियाको बढैयाताल गाउँपालिका वडा नं. ५ स्थित बढैयातालमा थारु संस्कृति, कृषि, पर्यटन तथा माघ महोत्सव आयोजना हुने भएकोले ताल १० दिनको लागि गुञ्जयमान हुने भएको छ । “राष्ट्रिय एकता ओ विविधता हमार शान, थारु भाषा, सहित्य कला संस्कृति बचैना हमार अभियान” भन्ने मूल नारा र बढैयाताल पर्यटन प्रवद्र्धनका लागि र थारु कल्याणकारिणी सभा बढैयाताल गाउँकमिटीको आयोजना र बरघर सञ्जाल बढैयातालको समन्वयमा महोत्सव आयोजना हुन लागेको हो ।

बढैयाताल वडा नं. ५ को कार्यालय र तालको उत्तरतर्फ पिकनिक स्पट नजिकै महोत्सवको कामलाई तिव्र परिएको मेलाका संयोजक शंकर चौधरीले बताए । माघ १५ गतेदेखि २५ गतेसम्म महोत्सव हुने भएको छ । महोत्सवमा ख्याती प्राप्त राष्ट्रिय नायक पल शाह लगायत अन्य कलाकार तथा गायिका अनु चौधरी लगायत स्थानीय कलाकारहरुको प्रस्तुति रहने छ ।

महोत्सवमा थारु समुदायले प्रयोग गर्ने कला संस्कृति, भेषभुषा, खानाको परिकार, हस्तकला, कष्ठकला लगायत कृषि उत्पादनको प्रदर्शनी समेत गरिने छ । जसले थारु कला संस्कृति संरक्षण तथा प्रवर्धनमा टेवा पुग्ने र तालको प्रचार प्रसार तथा प्रबद्र्धन हुने आयोजकले जनाएको छ । महोत्सवमा पौराणिक थारु नाच प्रतियोगिता समेत हुने छ । आयोजकले महोत्सवका लागि आवश्यक उपसमिति समेत गठन गरेको छ । महोत्सवलाई सफल पार्नका लागि पालिका भित्रका थारु गाउँका बरघरहरु गाउँ गाउँबाट महोत्सव उद्घाटनका दिन स्थानीय कला संस्कृति झल्किने झाँकी सहितको सहभागी गराउन तयारी समेत गरिएको छ ।

महोत्सवलाई सफल पार्नको लागि बढैयाताल गाँउपालिको अगुवा तथा व्यपारीहरू र बाँसगढीका अगुवा तथा व्यपारीहरू लागि परेका छन् ।