खोज

बुटवल, १० माघ ।
लुम्बिनी प्रदेश प्रहरी कार्यालय दाङका प्रमुख प्रहरी नायब महानिरीक्षक दानबहादुर कार्कीले जनतासँग प्रहरी कार्यक्रम संचालन गर्ने बताएका छन् । हालै सरुवा भई लुम्बिनी प्रदेश आएका उनले हरेक प्रहरी कार्यलयले नागरीक सुनुवाई गर्नेुपर्ने, गाउँ–गाउँमा गस्ती गरी भए गरेका घटनाबारे जानकारी लिई प्रहरी र जनताको सम्बन्ध सुमधुर गराउनुपर्ने बताए । उनले जनताको शान्ति सुरक्षा मजबुत बनाउनका लागि गस्ती पेट्रोलिड्डलाई थप ब्यवस्थित गर्दै लैजाने गरी योजना बनाउने जानकारी गराए ।लुम्बिनी प्रदेश प्रहरी तालिम केन्द्र, बुटवलमा आयोजित संचारकर्मीसँगको भेटघाट कार्यक्रममा बोल्दै नायब महानिरीक्षक कार्कीले प्रदेशभित्र रहेका सबै प्रहरी कार्यालयहरूले मासिक रूपमा आफ्नो कामको बारेमा अन्तरकृया र छलफल गर्न निर्देशन दिए ।

गएको एक महिनामा उनले प्रहरीको कार्यदक्षता विकासका लागि नयाँ ढंगको योजना बनाएर अघि बढेको दाबी गरे । प्रहरीलाई आफनो काम कर्तव्यबारे जिम्मेवार बनाउन जनतालाई दिने सेवा सुबिधाहरूलाई चुस्त बनाउनुपर्नेमा उनको जोड थियो । प्रमुख कार्कीले भने–‘पछील्लो समय दुर्घटनाबाट धेरैको ज्यान गएको र दुर्घटनामा मोटरसाईकलको संख्या अधिक रहेको तथ्यांक रहेको जानकारी दिए । उनका अनुसार गएको ६ महिनामा लुम्बिनी प्रदेशमा ८ सय ७८ बटा दुर्घटना भएकोमा २ सय ६१ जनाले ज्यान गुमाएका छन् । दुर्घटनाबाट १ हजार तिन सय बढी घाईते भएको पाइएको छ । सवारी दुर्घटना र मृत्युदर कम गर्न प्रहरीले बिभिन्न खाले चेक जाँच र जनचेतना मुलक कार्यक्रम सन्चालन गर्न शुरु गरेको प्रमुख कार्कीले बताए ।

गएको पुस महिनामा लुम्बिनी प्रदेशमा ३ सय ६५ दुर्घटना भएकोमा ५७ जनाले ज्यान गुमाएका छन भने ५ सय ९२ जना घाईते भएको प्रहरी रेकटमा देखिन्छ । दुर्घटना बढी हुने जिल्लामा रूपन्देही पहिलो नम्बरमा परेको छ । त्यस्तै बिभिन्न समयमा बिभिन्न घटनामा सँलग्न रहि अदालत बाट कैद तथा जरीवाना तोकिएका तर फरार रहेका मानिसहरू पक्राउ परेका छन् । गएको ५ महिनामा ८५ जना पक्राउ गरी २६ करोड ३९ लाख राजश्व जम्मा गरेको प्रहरीले गएको पुस महिनामा २२ जना फरार प्रतिवादी समाउन सफल भएको छ जस्मा ५ करोड १८ लाख बढी राजश्व जम्मा भएको छ ।
लापरवाही गरी सवारी चलाएको भन्दै पुस महिनामा १२ हजार बढी सवारी साधनहरूलाई कारवाही गरीएको र कारवाही बापत १ करोड बढी राजश्व जम्मा भएको प्रदेश प्रमुख कार्कीले बताए । प्रहरीले २४ नाल अबैध हतियार समेत बिभिन्न खाले बिस्फोटक पदार्थ समेत बरामद गरेको हो ।

प्रदेशका ४० वटा प्रहरी कार्यालयमा पुस महिनामा ५ सय ४६ बटा बिभीन्न मुद्दा दर्ता भएको छ । उनले सुरक्षा खुल्ला सिमानाबाट हुने चोरी तस्करी नियन्त्रणमा प्रहरीको आँखा जाने बताए । गलत मनसायले कुनै प्रहरीले आचरण विरुद्द काम गरेको पाइए तत्काल कार्वाही गर्ने प्रतिबद्दता जनाए ।