लस एन्जलस, १० माघ ।
अमेरिकाको लस एन्जलसको जङ्गल क्षेत्रमा फेरी आगलागी भएको छ, जसले ठूलो क्षति निम्त्याउन सक्छ। आगो फैलिन थालेपछि हजारौं मानिसलाई सुरक्षित स्थानमा सारिएको छ।
बीबीसीका अनुसार, आगलागी अहिले शहरबाट ४५ किलोमिटर टाढा कास्टिक ताल नजिकको पहाडी क्षेत्रमा लागेको हो। त्यहाँ नजिकै धेरै आवासीय क्षेत्र र विद्यालयहरू छन्। आगलागीले आठ हजार एकडभन्दा बढी क्षेत्र जलेको छ, र तीव्र गतिको हावा र सुक्खा झाडीहरूले आगो फैलाउन मद्दत गरेको छ।
अग्नि नियन्त्रक अधिकारीका अनुसार, हालसम्म आगलागीका कारण कुनै घरमा क्षति पुगेको छैन, तर लगभग १९ हजार बासिन्दालाई सुरक्षित स्थानमा सारिएको छ। दमकलले आगो निभाउन प्रयास गरिरहेको छ, जुन एक हप्ताभन्दा बढी समयदेखि निरन्तर जारी छ।
यसअघि पनि यस्तै आगलागीका कारण २५ जनाको ज्यान गएको र धेरै मानिसका आलिशान घर ध्वस्त भएका थिए।
