खोज

बुटवल, ०८ पुस ।
नेपाल डेरी एसोसिएसनको २६ औं बार्षिक साधारणसभा बुटवलमा सम्पन्न भएको छ । डेरी उद्योगमा दर्ता भएका देशभरबाट आएका व्यवसायीहरूको सहभागितामा बुटवलमा केन्द्रीय साधारणसभा गरिएको हो । साधारण सभामा बोल्दै लुम्बिनी प्रदेशका कृषि, भूमि व्यवस्था तथा सहकारी मन्त्री दिनेश पन्थीले दुग्ध क्षेत्रमा भएका उद्योगी व्यवसायीहरूको समस्या समाधानको लागि ऐन संसोधन गरेभएपनि आफूले सक्दो सहयोग गर्ने प्रतिवद्धता जनाए ।

लुम्बिनी प्रदेश बिस्तारै दूध र दुग्धजन्य बस्तुमा आत्भर्निर बन्दै गएको अवस्थामा प्रदेश सरकारले किसान, व्यवसायीहरूको सधै साथमा रहेको भन्दै उनले जस्तोसुकै समस्या समाधानको लागि प्रदेश सरकार सहकार्य गर्न तयार रहेको बताएका हुन । कार्यक्रममा बोल्दै मन्त्री पन्थीले भने–‘दूध र दुग्ध क्षेत्रमा के कस्ता समस्या छन्, आउनसहोस्, हामी समस्या समाधानको लागि हातेमालो गर्न तयार छौैं ।’

दूध र दुग्जन्य बस्तुको उत्पादन बढ्द जाँदा विभिन्न बहुराष्ट्रिय कम्पनीहरूको पेयपदार्थ उपभोग गर्ने उपभोक्ताहरूको समेत कामी आउने अवस्था रहेको भन्दै उनले स्वदेशी उत्पादन र उपभोगमा प्रदेश सरकार जहिले पनि सकारात्मक रहेको बताए । प्रदेश सरकारका प्रवक्ता समेत रहेका मन्त्री पन्थीले कुनै पनि समस्याको समाधान सामूहिक पहलबाट संभव भएको भन्दै सोही अनुसार योजना बनाएर अगाडि बढ्नुपर्ने र यसमा प्रदेश सरकार जहिले पनि सकारात्मक रहेको बताएका थिए ।
कार्यक्रममा पशुसेवा विभागका उप महानिर्देशक डा. लेखराज दाहालले अबको कृषि क्रान्ति यान्त्रीकरण मा हुनुपर्ने धारणा राखेका थिए । उनले दूधमा गुणस्तर कायम गर्न सकीएन भने अन्य देशमा निर्यात गर्न नसकीने भएको कारण दूध उत्पादक किसान, संकलन कर्ता, उद्योगी सबैले अन्तर्राष्ट्रिय स्तरको मापदण्डमा रहेर दूधको गुणस्तर कायम गर्नुपर्नेमा जोड दिएका थिए । नेपालबाट पनि विभिन्न देशमा निर्यात गर्नको लागि विभागले विभिन्न निकायसँग सहकार्य गर्दै अगाडि बढिरहेको बताएका थिए ।
राष्ट्रिय दुग्ध विकास बोर्डका कार्यकारी निर्देशक डा. राजेन्द्र प्रसाद यादवले अबको कृषि क्षेत्रको क्रान्तिका लागि यन्त्रीकरणमा जोड दिनुपर्ने बताएका थिए । उनले किसानको समस्या समाधानको लागि बोर्डले निरन्तर लागिपरेको बताउँदै सोही अनुसारको समस्या समाधानको लागि लागिरहेको बताएका थिए ।

कार्यक्रममा बोल्दै नेपाल डेरी एशोसीयसनका केन्द्रीय अध्यक्ष प्रल्हाद दहालले सरकारले लगानी सम्मेलन गरी रातो कार्पेट ओच्छाएर विदेशी लगानीकर्ताहरूलाई स्वदेशमा सहुलियतमा भित्र्याउँदै गर्दा स्वदेशी उद्योगी, स्वदेशी कच्चा पदार्थको प्रयोग गरी विभिन्न बस्तु उत्पादन गरी बजारीकरण गर्दै आएका व्यवसायीहरूलाई भने हेलाको दृष्टिकोणबाट हेर्नु आफैमा जायज कुरा नभएको बताएका थिए । उनले नेपाली किसानहरूको उत्पादन अन्तर्राष्ट्रिय बजारमा पुग्नको लागि सरकारले नीतिगत सुधार सहितका कार्यक्रम गर्नुपर्ने बताएका थिए । कार्यक्रममा लुम्बिनी विशिष्टकृत दुग्ध उत्पादक सहकारी संघ लिमिटेडका अध्यक्ष ज्ञानु पौडेल, नेपाल डेरी एशोसीयसनका सल्लाहार तथा पुर्व मेयर हिरा बहादुर खत्री, दुग्ध विकास आयोजना लुम्बिनी वितरण आयोजना प्रमुख कृष्णप्रसाद अर्याल, डेरी उद्योग संघ लुम्बिनीका अध्यक्ष विक्रम रिजाल, नेपाल डेरी एशोसीयसनका पूर्व केन्द्रीय अध्यक्ष सुमित केडीया, उपभोक्ता हित संरक्षण मञ्च लुम्बिनी प्रदेश अध्यक्ष तेज कुमार पाठक, रूपन्देही उद्योग संघका बरिष्ठ उपाध्यक्ष कृष्ण प्रसाद पराजुली, घरेलुु तथा साना उद्योग महासंघ लुम्बिनी का बरिष्ठ उपाध्यक्ष गणेश प्रसाद पोखरेल, बुटवल उद्योग बाणिज्य संघका अध्यक्ष हरि प्रसाद अर्याल, सम्मानित व्यवसायी लिलाधर शर्मा लगायतले आ–आफ्नो भनाइ राखेका थिए । कार्यक्रममा एशोसीयसनले विभिन्न डेरी उद्योग व्यवसायीहरू, प्रदेश समिति सदस्य सहित लाई सम्मान गरेको थियो । यस्तै सञ्चारक्षेत्रबाट दूध र दुग्धजन्य बस्तुको प्रसार मा महत्वपूर्ण योगदान दिएको भन्दै दुई जना पत्रकारलाई नगद सहित सम्मान गरिएको छ । कृषि पत्रकार महासंघ लुम्बिनी प्रदेशका अध्यक्ष समेत रहेका बुटवल टुडे पत्रिकाका उप सम्पादक तथा कृषि पत्र सम्पादक तथा प्रकाशक कृष्ण खनाल र आर्थिक आवाज का सुरेन्द्र पौडेललाई नगद सहित सम्मान गरिएको हो ।
प्रदेश अध्यक्ष एवं कार्यक्रम संयोजक थानेश्वर न्यौपाने कार्यक्रम भव्य रूपमा सम्पन्न भएको बताए । कार्यक्रममा एसोसिएसनका देशभरका २ सय भन्दा बढी सदस्यहरूको उपस्थिति रहेको एसोसिएसनका सहसचिव शिव भुसालले जानकारी दिए । एसोसिएसनको साधारणसभाले महासचिव, कोषाध्यक्ष र प्रदेश अध्यक्षहरूको प्रतिवेदन माथि छलफल गरी सर्वसम्मत पारित भएको छ । एसोसिएसनको साधारणसभाले ‘नेपाल डेरी एसोसिएसन युवा मञ्च’ गठन गर्ने निर्णय गरेको छ । सातै प्रदेशमा कोल्ड स्टोर स्थापना गर्ने र पाउडर प्लान्ट नभएका प्रदेशमा प्लान्ट स्थापनामा पहल गर्ने एसोसिएसनले जनाएको छ ।