बुटवल, ६ माघ ।
प्रदेश सभाको तेस्रो बैठक आइतबारदेखि औपचारिक रूपमा सुरु भएको छ।
बैठकमा पाँचौँ अधिवेशनबाट पारित भई प्रदेश प्रमुखको कार्यालयबाट प्रमाणीकरण भएका विधेयकहरूलाई सभामुख तुलाराम घर्ती मगरले सभामा प्रस्तुत गरे र त्यसपछि प्रदेश सभा सदस्यहरूले समसामयिक विषयमा धारणा राख्ने क्रम सुरु भएको हो।
बैठकको पहिलो कार्यसूचीमा आर्थिक मामिला तथा योजना मन्त्री धनेन्द्र कार्कीले प्रदेश आर्थिक कार्यविधि तथा वित्तीय उत्तरदायित्वसँग सम्बन्धित विधेयकमाथि सैद्धान्तिक छलफल गर्न प्रस्ताव राखेका छन्। सभामुखले उक्त प्रस्तावलाई निर्णयार्थ प्रस्तुत गर्ने र छलफलमा उठेका प्रश्नहरूको जवाफ कार्कीले दिने कार्यसूची रहेको छ।
