काठमाडौँ, ६ माघ ।
प्रधानमन्त्री केपी शर्मा ओलीले स्वास्थ्य बीमा सुधार सुझाव कार्यदलको प्रतिवेदनका आधारमा स्वास्थ्य बीमा प्रणालीमा सुधार गर्न स्वास्थ्य तथा जनसङ्ख्या मन्त्रालयलाई शीघ्र सुधार कार्ययोजना बनाउन निर्देशन दिएका छन्।
आज प्रधानमन्त्री निवास, बालुवाटारमा कार्यदलको प्रतिवेदन र सुझावबारे ब्रिफिङ लिँदै प्रधानमन्त्री ओलीले स्वास्थ्य बीमालाई प्रभावकारी बनाउन नागरिकलाई स्वास्थ्य बीमा प्रणालीमा सहभागी गराउने र निरोगी नेपाल बनाउने लक्ष्य राख्नुपर्ने बताए। उनले भन्नुभयो, “नागरिकलाई शैक्षिक दृष्टिले सूशिक्षित बनाउनु पर्नेछ र बिरामी भएमा उपचार खर्चको कारणले उपचार नपाउने अवस्था आउन दिनु हुँदैन।”
कार्यदलले स्वास्थ्य बीमा कार्यक्रमको वस्तुनिष्ठ समीक्षा गरी सुधारको सुझाव दिएका छन् र प्रधानमन्त्री ओलीले स्वास्थ्य बीमा कार्यक्रमलाई व्यावहारिक र प्रभावकारी बनाउन एक साताभित्र कार्ययोजना ल्याउन मन्त्रालयलाई निर्देशन दिएका छन्।
स्वास्थ्य तथा जनसङ्ख्यामन्त्री प्रदीप पौडेल, कार्यदलका संयोजक डा. शम्भु आचार्य र अन्य सदस्यहरूले प्रधानमन्त्री ओलीलाई स्वास्थ्य बीमा कार्यक्रमको नीतिगत, कानुनी र संरचनागत परिवर्तन गर्नुपर्ने विषयमा ब्रिफिङ गरेका थिए।
वर्तमान अवस्थामा, स्वास्थ्य बीमा कार्यक्रमअन्तर्गत करीब ११ अर्ब रुपैयाँ भुक्तानी गर्न बाँकी रहेको छ। कुल जनसंख्याको २७ प्रतिशत नागरिक यस कार्यक्रममा आवद्ध छन् र तीमध्ये ४८ प्रतिशतले स्वास्थ्य सेवाको लाभ लिएका छन्। कार्यदलले सुझाव दिएको छ कि सबै नागरिकलाई अनिवार्य रूपमा कार्यक्रमसँग जोड्ने र गरीबीको रेखामुनि रहेका सबै नागरिकलाई निःशुल्क स्वास्थ्य सेवा प्रदान गर्ने ढाँचा बनाउनु पर्छ।
त्यस्तै, कार्यदलले आधारभूत स्वास्थ्य सेवा र अन्य सामाजिक सुरक्षा कार्यक्रमहरूलाई एकीकृत गरेर यस स्वास्थ्य बीमा कार्यक्रमको कार्यान्वयन गर्न सुझाव दिएको छ। कार्यदलले गत पुस १४ गते मन्त्रालयलाई प्रतिवेदन बुझाएको थियो।
