खोज

बुटवल, ०५ माघ ।
बुटवलमा सम्पन्न तेस्रो रूपन्देही जिल्लास्तरीय छात्रा भलिबल प्रतियोगिताको उपाधि एभरेष्ट बोर्डिङ स्कुलले चुमेको छ । न्यू होराइजन मावि बुटवलको संरक्षकत्वमा न्यु होराइजन स्पोर्टस क्लबले आयोजनामा विहिबार भएको फाईनल खेलमा न्यु होराईजन स्कुललाई ३–१ को सेटमा पराजित गर्दै एभरेष्टले उपाधि चुमेको हो । उपाधिसंगै एभरेष्टले नगद ४० हजार, कप, मेडल, प्रमाणपत्रबाट पुरस्कृत भएको छ । उपविजेता न्यु होराईजन भने नगद २५ हजार रूपैया, कप, मेडल, प्रमाणपत्रमा चित्त बुझायो ।
प्रतियोगितामा कुवरवर्ती बोर्डिङ स्कुल तेस्रो हुदै नगद १५ हजार रूपैया तथा कालिका मानव ज्ञान माबि चौथो बन्दै नगद १० हजार रूपैया, कप, मेडल, प्रमाणपत्रबाट पुरस्कृत भएका छन ।
प्रतियोगितामा कालिका मानवज्ञानकी भिषा खत्री उत्कृट डिफेन्स, न्यु होराईजनकी एलिना झेडी उत्कृष्ट सर्भर, होराईजनकै प्रतिभा चौधरी उत्कृष्ट सेटर, कुवरवर्तीकी रिचा थापा उत्कृष्ट स्पाईकर, न्यु होराईजनकी ममता परियार उत्कृष्ट ब्लकर, एभरेष्टकी मिना सुनार उत्कृष्ट खेलाडी तथा एभरेष्टका प्रशिक्षक अर्जुन घिमिरे उत्कृष्ट कोच घोषित हुदै पुरस्कृत भए ।
एक समारोहका बिच बुटवल उपमहानगरपालिकाका उपप्रमुख सावित्रादेवि अर्याल, न्यु होराईजन बोर्डिङ स्कुल तथा क्लबका संरक्षक लोकनाथ उपाध्याय, न्यु होराईजनका उपप्राचार्य बालकृष्ण भण्डारी, बासुदेव अर्याल, राजिव श्रेष्ठ, क्लबका अध्यक्ष चेतन बहादुर उचै ठकुरी, भलिबल संयोजक जनक कुमार श्रेष्ठले विजेता, उपविजेता तथा उत्कृष्ट खेलाडीहरूलाई पुरस्कार वितरण गरेका थिए । माघ १ गतेबाट शुरु भएको प्रतियोगितामा १२ टिमले प्रतिस्प्रर्धा गरेको विद्यालयका खेल संयोजक मिलन रानाले बताए ।