खोज

चन्द्रौटा, २ माघ । विगत एक दशकदेखि पत्रकारिता क्षेत्रमा निरन्तर कलम चलाउँदै आएका पत्रकार राम अवतार (चौधरी) थारु सम्मानित भएका छन् । पछिल्लो समय कपिलवस्तुमा थारु समुदायका ग्रामिण भेगबाट उठेका उनी थारु समुदायका हकहित र विकासका उल्लेखनीय योगदान पु¥याएको भन्दै थारु कल्याणकारिणी सभा मलेसिया परिवारले सम्मान गरेको हो ।

सम्मानित थारु थारु समुदाय मात्रै नभर सामाजिक लगायत हरेक क्षेत्र विकासका निमित्त विषयवस्तुहरूलाई उजागर गर्दै लामो समयदेखि सक्रिय रहेका पत्रकार थारुलाई थारु कल्याणकारिणी सभा, मलेसिया र थाकस बुद्धभूमि नगर कार्यसमिति परिवारले नगद रासीसहित सम्मान गरेको थाकस मलेसियाका पूर्व अध्यक्ष मनिराम थारुले जनाए ।

थारु समुदायको अधिकार संरक्षण, सामाजिक न्याय र ग्रामिण क्षेत्रका विषयहरुलाई कलम मार्फत उजागर गर्नुभएको योगदानको उच्च मूल्यांकन गर्दै उक्त सम्मान प्रदान गरिएको थाकस मलेसियाले जनाएको छ । थारु समुदायका पत्रकारलाई नेपालमै पहिलोपटक मलेसियाबाट सम्मान गर्न सुरुवात गरेको सामाजिक अभियान्ता आर.एन. चौधरीले जनाए । उनले भने -“नेपालमा थारु समुदायका विशेषगरी ग्रामिण भेगका पत्रकारलाई पुरस्कृत गर्ने अभियानको सुरुवात पनि पत्रकार राम अवतार थारुबाटै गरिएको छ ।“

थारु समुदायको हकहितमा समर्पित यस्ता कदमहरूले समाजमा सकारात्मक प्रभाव पर्ने र पत्रकारिताको माध्यमबाट ग्रामीण भेगका समस्या उजागर गर्न थप प्रेरणा प्रदान गर्ने विश्वास व्यक्त गरिएको छ । सम्मानित पत्रकार थारु थारु पत्रकार संघ नेपालका पूर्व केन्द्रीय सदस्य समेत हुन् । राष्ट्रिय दैनिक बुटवल टुडेलगायत सञ्चारमाध्यम आबद्ध रही एक दशक देखि सक्रिय रहेका छन् ।