खोज

 काठमाडौं ।

२०७२ सालदेखि चीनले नेपाललाई १२ अर्ब ४ करोड रुपैयाँ अनुदान दिने घोषणा गरेको छ। परराष्ट्र मन्त्री डा. आरजु राणा देउवाले संसदको अन्तर्राष्ट्रिय सम्बन्ध पर्यटन समितिको बैठकमा यसबारे जानकारी दिएकी हुन्।

उनले बैठकमा भनिन्, “चीन सरकारको तर्फबाट २०७२ सालदेखि हालसम्म घोषणा गरिएको अनुदान रकम र नगद सहयोग अमेरिकी डलर २० मिलियन (करीब २ अर्ब ७० करोड रुपैयाँ) का अतिरिक्त राष्ट्रपति सी चिनफिङद्वारा थप अनुदान ५०० मिलियन आरएमबी (करीब ९ अर्ब ३४ करोड रुपैयाँ) को घोषणा भएको छ।” समितिको बैठकमा प्रस्तुत विवरणअनुसार, चीनले दिएको यो थप अनुदान नेपालका लागि महत्त्वपूर्ण सहयोग साबित हुनेछ।

प्रधानमन्त्री केपी शर्मा ओलीको चीन भ्रमणको क्रममा, २०७४ सालको मंसिर १७ गते चीनसँग भएका सम्झौताहरूको कार्यान्वयन र नेपाल-चीन सम्बन्धलाई थप सुदृढ पार्ने विषयमा कुराकानी भएको थियो। परराष्ट्र मन्त्री राणाले भने कि, उक्त भ्रमणका क्रममा दुई देशबीच संयुक्त विज्ञप्ति जारी भएको छ र उक्त विज्ञप्तिमा विभिन्न सम्झौताहरूको कार्यान्वयनको समीक्षा र भविष्यमा थप सहकार्य विस्तार गर्ने योजनाहरू समावेश छन्।

साथै, २०२५ मा नेपाल र चीनबीच कूटनीतिक सम्बन्ध स्थापनाको ७० औं वार्षिकोत्सव विभिन्न कार्यक्रमहरूसँग मनाउने, उच्चस्तरीय आदानप्रदानलाई कायम राख्ने र आपसी विश्वासलाई सुदृढ बनाई द्विपक्षीय हितका लागि सहकार्य विस्तार गर्ने जस्ता योजनाहरू पनि सार्वजनिक गरिएको छ।