खोज

बुटवल, २८ पुस । बुटवलको नमुना ढुवानीग्राम निमार्ण तथा सञ्चालनका लागि स्थापित रुपन्देही परिवहन प्रालि, बुटवलमा नवनिर्वाचित सञ्चालक समितिको पदभार ग्रहण तथा सपथ कार्यक्रम सम्पन्न भएको छ । परिवहनको दोस्रो अधिवेशनबाट सर्वसम्मत निर्वाचित सञ्चालक समितिलाई निर्वाचन समितिका संयोजक लोकराज पोखरेलले पदभार ग्रहण गराउदै प्रमाणपत्र वितरण गरे । अधिवेशनले परिवहनको ७ सदस्यीय सञ्चालन समितिमा कमल घिमिरे, माधव नेपाल, कलमराज ढुङ्गाना, बाबुराम महत, विकास आचार्य, झविन्द्र थापा र श्यामराज हमाललाई निर्वाचित भएका छन ।

प्रमाणपत्र वितरण कार्यक्रममा निर्वाचन समितिका संयोजक लोकराज पोखरेलले ढुवानी क्षेत्रको व्यवस्थापनका लागि थालिएको ट्रान्सर्पाट नगरको कामलाई व्यवस्थित बनाउदै ढुवानी व्यवसायका समस्या समाधानका लागि गम्भिर भएर काम गर्न समितिलाई सुझाव दिए ।
कार्यक्रममा नव निर्वाचित सञ्चालक समितिको तर्फबाट सञ्चालक समितिका अध्यक्ष कमल घिमिरेले ढुवानीग्रामको काम पुरा गर्ने दायित्व नयाँ समितिमा आएको बताए ।

कार्यक्रममा ढुवानी व्यवसायी समिति, रुपन्देहीका अध्यक्ष जित बहादुर भाटले ढुवानी व्यवसायमा पछिल्ला दिनमा देखिएको समस्या समाधानमा जोड दिन सुझाव दिदै व्यवसाय पलायनको अवस्था रोक्ने गरि लाग्नुपर्ने बताए ।

कार्यक्रममा परिवहनका निर्वतमान प्रवन्धक विष्णु गैरेले परिवहनका अगाडी धेरै चुनौतिहरुको रहेको उल्लेख गर्दै नयाँ नेतृत्वबाट पुराना र अधुरा कामलाई तिब्रता दिन सुझाव दिए ।