खोज

गैंडहवा, २५ पुस ।

रुपन्देहीको गैडहवा गाउँपालिका गाउँसभाको १५ औं अधिवेशन सम्पन्न भएको छ । कृषि, शिक्षा, स्वास्थ्य, रोजगार र व्यापार पर्यटन सहितको पुर्वाधार विकासको आधार मुल नारा सहित रुपन्देहीको गैडहवा गाउँपालिका गाउँ कार्यपालिकाको कार्यालय बिष्णुपुरा, रूपन्देहीमा गाउँ सभाको १५ औं अधिवेशन सम्पन्न भएको हो ।

कार्यक्रममा गैडहवा गाउँपालिका अध्यक्ष सुरेन्द्र पौडेलले कृषि, स्वास्थ्य, शिक्षा र पर्यटनलाई प्राथमिकता राखेर काम गरेको बताउदै गैडहवा गाउँपालिकाले गौरवका योजना अगाडि बढाएको र भईरहेका कामको स्थानीयलाई सहज र सुलभ रुपमा सेवा दिनुपर्नेमा जोड दिए ।

पालिका अध्यक्ष पौडेलले आँखाको समस्या धेरै देखिएकोले स्थानीय जनताको उपचारको लागि भैरहवामा आँखा अस्पताल र रगतको लागि बुटवलमा रेडक्रससँग सम्झौता भएको र सुर्यपुरा बहुमुखी क्याम्पस गैडहवा स्वास्थ्य क्षेत्र लगायतलाई प्राथमिकता दिंदै दुइवटा एम्बुलेन्स सेवा गैडहवा तालको बिकास, यशोधरा पार्क वडा नं. ९ मा स्वास्थ्य चौकी निर्माण भएको जानकारी दिदै विकासमा सबै जनप्रतिनिधि, राजनीतिक दल, कर्मचारी एकैठाउ हुनुपर्ने बताए । पालिका अध्यक्ष पौडेलले अब संघ, प्रदेशसंगै स्थानीय उत्पादनसंगै स्थानीय आय श्रोत बढाउन सबैको ध्यान हुनुपर्नेमा जोड दिदै माघी पर्वको शुभकामना दिएका थिऐ ।