© २०२३
२१ मंसिर २०८२, आइतबार
२१ मंसिर २०८२, आइतबार
रौतहट, २५ पुस।
चालकको लापरबाहीका कारण रौतहटस्थित ११ हजार भोल्टेजको हाई टेन्सन तारबाट करेन्ट लागेर मालवाहक टिपरमा आगो लागी पूर्ण रूपमा क्षति भएको छ। टिपर चालक गम्भीर घाइते भएका छन्।
विहीबार बिहान ८ बजेको समयमा जिल्लाको पूर्वी क्षेत्र वृन्दावन नगरपालिका–४ स्थित क्रशर उद्योगमा लु १ त २८४९ नम्बरको टिपर बालुवा झार्ने क्रममा ११ हजार भोल्ट भएको तारबाट करेन्ट लागेर टिपरमा आगलागी हुँदा पूर्ण रूपमा क्षतिग्रस्त भएको हो।
टिपरका चालक जयप्रकाश सहनी करेन्ट लागेर गम्भीर घाइते भएका छन्। उनको गरुडा स्थित एउटा निजी अस्पतालमा उपचार भइरहेको र अवस्था खतरामुक्त रहेको इलाका प्रहरी कार्यालय गरुडाका प्रमुख डिएसपी राजन कार्कीले बताएका छन्।
डिएसपी कार्कीका अनुसार टिपरबाट बालुवा झार्न माथि उठाइएको ट्रली तल नझारी फर्काउने क्रममा माथिको हाइटेन्सन तारमा छोएर दुर्घटना भएको थियो।
घटना सम्बन्धमा आवश्यक अनुसन्धान गरिरहेको इलाका प्रहरी कार्यालय, गरुडाले जनाएको छ।
© २०२३
सर्वाधिकार सुरक्षित
Design & Developed By:
