खोज

बुटवल, २४ पुस ।

राज्य टेलिभिजनको नयाँ नेतृत्वः ग्रामीण आवाजलाई प्राथमिकतामा राख्दै उपत्यका बाहिरको पहिलो सेटेलाइट टेलिभिजन राज्य टेलिभिजन बुटवलमा नयाँ नेतृत्व चयन भएको छ ।

बुधबार सम्पन्न प्रथम अधिवेशन तथा साधारण सभाले बिष्णु भुसालको अध्यक्षतामा पाँच सदस्यीय नयाँ सञ्चालक समिति चयन गरेको हो । जसमा बुटवल पब्लिकेशन प्रा. लि. को तर्फबाट नवराज कुँवर, सुमित राणा, डिपी खनाल, र प्रेमराज गैरे निर्वाचित भएका छन् ।

अध्यक्ष गोविन्द खनालको अध्यक्षतामा सम्पन्न साधारण सभाले टेलिभिजनलाई नयाँ गति दिने र यसको सञ्चालनलाई थप व्यवस्थित बनाउने उद्देश्यले विभिन्न निर्णयहरू गरेको छ । राज्य टेलिभिजनको आवश्यकता र महत्वलाई हेर्दा यसले सूचना, शिक्षा, मनोरञ्ज र जनचेतनाका विविध पक्षमा महत्वपूर्ण भूमिका निर्वाह गर्दै आएको छ ।

यसले विशेषगरी ग्रामीण क्षेत्रका आवाजलाई प्राथमिकतामा राखेर ती मुद्दाहरूलाई राष्ट्रिय एजेन्डामा बदल्न र समाधानको पहल गर्न महत्वपूर्ण योगदान पु¥याएको नवनिर्वाचित अध्यक्ष भुसालले बताए ।

नयाँ सञ्चालक समितिको तर्फबाट अध्यक्ष बिष्णु भुसालले टेलिभिजनको भविष्यलाई नयाँ दिशामा लैजाने र आधुनिक सञ्चार माध्यमको रूपमा यसलाई प्रतिस्पर्धात्मक बनाउने योजनाहरू अघि सारेका छन् । यो समितिले सामग्री निर्माणमा नवीनता ल्याउने, डिजिटल प्रविधिको प्रयोग गरेर टेलिभिजनको पहुँच विस्तार गर्ने र स्थानीयतालाई प्राथमिकतामा राख्दै समाजका विभिन्न पक्षलाई समेट्ने नीति लिएको उनले जानकारी दिए ।

डिजिटल युगमा टेलिभिजनको प्रभाव घटिरहेको अवस्थामा, राज्य टेलिभिजनले आफूलाई समयसापेक्ष बनाउँदै दर्शकहरूलाई आकर्षित गर्न नयाँ रणनीतिहरू अपनाउने र अनुसार, टेलिभिजनले डिजिटल प्लेटफर्महरूसँग सहकार्य गरी सामग्रीको पहुँचलाई फराकिलो बनाउने, दर्शकहरूको रुचि र आवश्यकता अनुसार कार्यक्रमहरू निर्माण गर्ने, विज्ञापन तथा प्रायोजन कार्यक्रमहरू मार्फत आर्थिक स्थायित्व हासिल गर्ने योजनाहरू अघि बढाउने योजना रहेको सञ्चालक नवराज कुँवरले बताए ।

नयाँ नेतृत्वमा रहेका सदस्यहरूले आफ्नो अनुभव र ज्ञानको उपयोग गर्दै टेलिभिजनको व्यवस्थापनलाई सुदृढ बनाउने र यसलाई नवीन प्रविधिहरूसँग समायोजन गरी अझ प्रभावकारी बनाउने योजना लिएका छन् ।

नयाँ सञ्चालक समितिको नेतृत्वमा यसले आफूलाई अझ सशक्त, व्यवस्थित, र प्रतिस्पर्धात्मक बनाउँदै लैजाने विश्वास गरिएको सञ्चालक कुँवरको भनाइ छ ।

बुटवलमा प्रधान कार्यालय रहेको यो टेलिभिजनले स्थानीय मुद्दाहरूलाई राष्ट्रिय र अन्तर्राष्ट्रिय स्तरमा प्रवाह गर्ने लक्ष्यका साथ आफ्नो यात्रा प्रारम्भ गरेको हो ।