खोज

लमही, २४ पुस ।
लुम्बिनी प्रदेश सरकारले यातायात क्षेत्रको सुधार र सेवा विस्तारका लागि प्रभावकारी कदम चालेको छ । उद्योग, पर्यटन तथा यातायात मन्त्रालयले यातायात व्यवस्थापनलाई सहज, सुलभ र विकेन्द्रीकृत बनाउन विभिन्न योजनाहरू अघि सारेको छ । उद्योग, पर्यटन तथा यातायात मन्त्री प्रचण्डविक्रम न्यौपानेले भने ‘यो अध्ययन अनुसार हामीले यातायात कार्यालयको सेवा बिस्तार गर्ने योजना बनाएर अघि बढेका हौँ र पहिलो चरणमा बाँकेको कोहलपुरमा सेवा विस्तार गर्ने निर्णय मन्त्रीपरिषदबाट भएको छ, अब चाँडै सेवा सुरु हुने छ ।’ मन्त्रालयले थप आर्थिक भार नपर्ने गरि यातायात कार्यालयको सेवा विस्तार गर्ने छ । शाखा कार्यालयका रूपमा सेवा विस्तार गर्न थालेको कोहलपुरमा शाखा बिस्तार गर्न लागेको उनले बताए ।
बाँकेको कोहलपुरमा यातायात व्यवस्था कार्यालयको शाखा बिस्तार गरी सेवाग्राहीलाई सवारी चालक अनुमतिपत्र नवीकरण, सवारी दर्ता नवीकरण, र अन्य पटके सेवाहरू प्रदान गर्ने काम अन्तिम चरणमा पुगेको छ । यस कदमले कोहलपुर र आसपासका क्षेत्रका नागरिकलाई यातायात सेवामा सजिलो बनाउने अपेक्षा गरिएको छ । बर्दिया, कपिलवस्तु, र प्यूठानमा यातायात व्यवस्था कार्यालय स्थापना गर्ने योजना पनि अघि बढाइएको छ । यी कार्यालयहरूले यातायातसम्बन्धी सबै सेवा प्रदान गर्नेछन् । स्थान छनोट र प्रक्रियागत तयारीका लागि मन्त्रालयले छलफल गरिरहेको छ । नवलपरासीमा दुई पांग्रे सवारीको ट्रायल मात्र उपलब्ध थियो ।
अब चारपांग्रे सवारी साधनका लागि पनि ट्रायलको सुविधा थपिएको छ। यसले स्थानीय सेवाग्राहीलाई अन्यत्र जानुपर्ने झन्झटबाट मुक्त गर्नेछ । संघीयताको मर्म अनुसार सेवाहरू विकेन्द्रीकरण गर्ने उद्देश्यका साथ मन्त्रालयले थप शाखा कार्यालयहरू खोल्ने योजना बनाएको छ ।
सेवाग्राहीका गुनासा र सुझावलाई प्राथमिकता दिँदै यातायात कार्यालयहरूलाई प्रभावकारी सेवा प्रवाह गर्न निर्देशन दिइएको छ । लुम्बिनी सरकारको यो कदमले यातायात सेवामा सहजता र सबैको पहुँच सुनिश्चित गर्नेमा थप योगदान पु¥याउने विश्वास लिइएको छ ।