खोज

बुटवल, २३ पुस ।
लुम्बिनी प्रदेशका १२ जिल्लामा वार्षिक २४ सय बढी सवारी दुर्घटना हुने गर्दछ । दुर्घटनामा परेर ६ सय जनाले ज्यान गुमाउने गरेको तथ्याकले देखाउछ । दुर्घटनाबाट हुने मानविय क्षति रोक्न र उद्वारमा उपयोगी हुने गरि रोटरी ईन्टरनेश्नल डिष्ट्रिक ३२९२, रोटरी क्लब अफ क्यापिटल बुटवल र सुरक्षित यात्रा अभियान नेपालको पहलमा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, बुटवललाई हाईड्रोलिक मेटल कटर हस्तान्तरण गरिएको छ । करीब १२ लाख रूपैया बराबरको दुर्घटनामा परेका सवारी साधनहरू काट्न प्रयोग गरिने हाईड्रोलिक मेटल कटर हस्तान्तरण गरिएको हो ।
कार्यक्रममा रोटरी डिष्ट्रिक सर्भिस प्रोजेक्ट चेयर राजेन्द्र लम्सालले सामाजिक कार्य गर्दा समुदायको आवश्यकता र दिगोपनालाई प्राथमिकतामा राख्ने गरेको बताए । रोटरी संस्थागत रूपमा ठुला परियोजनाहरू गर्दै आएको भन्दै केही ढिलाई गरेर भएपनि उपयोगी उपकरण सहि निकायमा हस्तान्तरण गर्न पाएको उनले बताए । रोटरीबाट संचालन भएका परियोजनाहरू गुणस्तरका हिसाबले उत्कृष्ट देखिने समेत दाबी गरे । यो मेशिनसंगै थप एउटा सवारी साधनको आवश्यकता महसुस भएको भन्दै यसमा सरोकारवालाहरूबाट आवश्यक सहकार्य गर्न सकिने समेत उनले बताए । दुर्घटना रोक्ने गरि सचेतना कार्यक्रमलाई विशेष प्राथमिकता दिन समेत उनले आग्रह गरे ।
एक समारोहका बीच लुम्बिनी प्रदेश प्रहरी कार्यालय दाङका प्रदेश प्रहरी प्रमुख प्रहरी नायव महानिरीक्षक दान बहादुर कार्की, रोटरी ईन्टरनेशनल डिष्ट्रिक ३२९२ सर्भिस प्रोजेक्ट चेयर राजेन्द्र लम्साल, रोटरी क्लब अफ क्यापिटल बुटवलका चार्टर अध्यक्ष दिनेश पाण्डे, क्लबका अध्यक्ष विजय खनाल, निवर्तमान अध्यक्ष विश्व दिपक नेपाल, क्लब सचिव कृष्ण डुम्रेले ट्राफिक कार्यालयका प्रमुख प्रहरी उपरीक्षक श्याम बहादुर खत्रीलाई उपकरण हस्तान्तरण गरेका छन । लुम्बिनी प्रदेश प्रहरी कार्यालय दाङका प्रदेश प्रहरी प्रमुख प्रहरी नायव महानिरीक्षक दान बहादुर कार्कीले प्रहरीलाई प्रविधिमैत्री बनाउदा समाज सुरक्षित हुने तर्क दिए । ‘प्रहरीलाई प्रविधियुक्त बनाउन जरुरी छ ।’–उनले भने । समाजका नागरिक, ब्यवसायी र डिष्ट्रिक ३२९२ सर्भिस प्रोजेक्ट चेयर राजेन्द्र लम्साल, रोटरी क्लब अफ क्यापिटल बुटवलका चार्टर अध्यक्ष दिनेश पाण्डे, क्लबका अध्यक्ष विजय खनाल, निवर्तमान अध्यक्ष विश्व दिपक नेपाल, क्लब सचिव कृष्ण डुम्रेले ट्राफिक कार्यालयका प्रमुख प्रहरी उपरीक्षक श्याम बहादुर खत्रीलाई उपकरण हस्तान्तरण गरेका छन । लुम्बिनी प्रदेश प्रहरी कार्यालय दाङका प्रदेश प्रहरी प्रमुख प्रहरी नायव महानिरीक्षक दान बहादुर कार्कीले प्रहरीलाई प्रविधिमैत्री बनाउदा समाज सुरक्षित हुने तर्क दिए । ‘प्रहरीलाई प्रविधियुक्त बनाउन जरुरी छ ।’–उनले भने । समाजका नागरिक, ब्यवसायी र समाजको सबै क्षेत्रको सहयोगबाट मात्र दुर्घटनाको ग्राफ घटाउन सकिने उनले बताए । सरोकारवालाहरू मिलेर सचेतना जगाउने कार्यक्रमहरू गर्न जरुरी रहेको समेत उनले बताए ।
कार्यक्रममा रोटरी क्लब अफ क्यापिटल बुटवलका चार्टर अध्यक्ष दिनेश पाण्डेले गतवर्ष रूपन्देहीमा ट्राफिक सचेतनाको वृहत कार्यक्रम गरिएको बताए । महिलाहरूलाई सवारी लेनबारे जानकारी दिने, सचेतना रयाली र सुरक्षित हेलमेट वितरण जस्ता निक्कै प्रभावकारी कार्यक्रम गरिएको बताए । प्रदेश वार्षिक २४ सय बढी दुर्घटना हुने तथा करीब ६ सय जनाले ज्यान गुमाउने गरेको तथ्याकलाई रोक्न थोरै भएपनि मद्यत मिल्ने उनले बताए । यसका साथै यहा रहेका सरोकारवाला निकायहरू दुर्घटना न्यूनीकरणका कार्यक्रमलाई निरन्तरता दिन जरुरी रहेको बताए ।