बैंगलोर, २२ पुस ।
भारतको बेङ्गलुरुमा ह्युमन मेटाप्युमोभाइरस (एचएमभीपी) का दुई संक्रमित बालक फेला परेका छन्। ३ महिनाको एक बालक उपचारपछि डिस्चार्ज भइसकेको छ भने अर्को ६ महिनाको बालक कर्नाटकको राजधानीको एक अस्पतालमा उपचार भइरहेको छ।
भारतमा एचएमभीपी भाइरसको यो पहिलो घटना हो। यस भाइरसको संक्रमण चीनमा देखा परेको थियो र त्यसपछि भारतमा पनि फैलिएको भन्ने सूचना प्राप्त भएको छ। चीनमा श्वासप्रश्वाससम्बन्धी रोगहरू, जस्तै इन्फ्लुएन्जा र एचएमभीपी भाइरसका संक्रमणले मौसमी परिवर्तनका कारण तीव्रता पाएको पाइन्छ।
भारतीय स्वास्थ्य र परिवार कल्याण मन्त्रालयका अनुसार, संक्रमित बालकहरूको परिवारका अन्य सदस्यलाई कुनै खतरा नभएको र संक्रमणको फैलावको कुनै ठूलो चिन्ह देखिएको छैन। तथापि, उच्च सतर्कता अपनाइएको छ र देशभर श्वासप्रश्वासका संक्रमणहरूको निगरानी जारी राखिएको छ।
भारतको स्वास्थ्य मन्त्रालयले आज आकस्मिक बैठक बोलाएर एचएमभीपी भाइरससँग लड्नका लागि आवश्यक रणनीति तयार पार्ने निर्णय गरेको छ। यस भाइरसले गर्दा श्वासप्रश्वासका समस्या जस्तै सर्दी, ज्वरो र खोक्ने समस्यामा वृद्धि हुनसक्ने भएकाले सरकारले नागरिकलाई सावधानी अपनाउन चेतावनी दिएको छ।
यस घटनाले भारतको स्वास्थ्य विभागमा उच्च सतर्कता र निगरानी बढाएको छ, जबकि विशेषज्ञहरूले भाइरसको फैलावटको जोखिमलाई नियन्त्रण गर्न आवश्यक कदमहरू चाल्न सुझाव दिएका छन्।
