खोज

पाल्पा, २१ पुस ।

गुल्मीमा प्रतिनिधि सभा सदस्य चन्द्र भण्डारीले गुल्मी पर्वत जोड्ने काली नदीमाथि बनेको मोटरेवल पुलको उद्घाटन गरे । निर्माण कम्पनीले ठेक्का संझौता अनुरुप समयमै निर्माण कार्य पुरा गरेको भए पनि निर्माण व्यवसायीले ३ करोड ५५लाख रुपैया सरकारबाट भुक्तानी लिन बाकी रहेको कम्पनीका प्रतिनिधिहरु बताउँछन् ।

निर्माण कम्पनीले ३ करोड ५२ लाख रुपैया भुक्तानी पाउनु पर्ने दावी गरेको छ । एलिट कन्स्ट्रक्सन प्रा.लिले ४ वटा पुल निर्माण गरेको र भुक्तानी हुन बाकी रहेको सडक कार्यालय पाल्पाका सुचना अधिकारी दुर्गा गौतम बताउछन् ।

सडक कार्यालयका पाल्पाको प्राविधिक रेखदेखमा ५वटा मोटरेवलको पुल निर्माण कार्य पुरा भएको छ । गुल्मीका जनप्रतिनिधि आवश्यकता भन्दा पहुँचको आधारमा योजना मात्र पार्ने तर योजनाका लागि प्रर्याप्त बजेट विनियोजन तर्फ ध्यान नदिदा यस्तो समस्या आएको स्थानीयहरु बताउछन् ।

रामपुर नगर देखि स्याङजाको चापाकोट जोड्ने कालीगण्डकी नदीमा पुलको पनि समस्या उस्तै रहेको निर्माण व्यवसायी बताउछन् । कन्काई नेपाल मेलिनियमले निर्माण कार्यको जिम्बेबारी पाएको थियो । निर्माण कार्य पुरा भएपनि निर्माण कम्पनीलाई २६ लाख रुपैया भुक्तानी गर्न बाकी रहेको छ । कामको आधारमा नाप जाप गरी रनिङ विलको आधारमा निर्माण कम्पनीलाई भुक्तानी गर्ने हो । निर्माण कम्पनीले समयमा भुक्तानी नपाउदा काम गर्ने कामदारलाई पनि भुक्तानी दिन असजिलो पनि हुन्छ । निर्माण व्यवसायीलाई काममा ताकेत गर्न यस्तै कारणले तगारो हाल्ने गरेको प्राविधिकहरु बताउछन् ।

गुल्मीको मदाने गाउँपालिका पहानखोलाको पक्की पुल निर्माण कार्य पुरा भयो ,। साह घाट गुल्जार भयो । पुल निर्माण गरेको निर्माण कम्पनीले ४८लाख रुपैया भुक्तानी नपाएको दावी गरेको छ । सडक कार्यालयका सुचना अधिकारी तथा इन्जिनियर गौतम भन्छन्, “पुलको मात्र ८ करोड रुपैया भुक्तानी गर्न बाकी छ । यस आर्थिक वर्षका लागि बिकास र निर्माणमा संघीय सरकारले ७३ करोड रुपैया विनियोजन गरेको छ । यहि बजेट बाट ८ करोड २७ लाख रुपैया भुक्तानी गर्ने हो । गत आर्थिक वर्षको ४ करोड १० लाख रुपैया यस पटक भुक्तानी भयो । सरकारको भुक्तानी प्रकृया झन्झटिलो हुदा पनि समस्या उत्पन्न भयो । विगत केही वर्ष यता आर्थिक वर्षको अन्त्यमा १० देखि २० प्रतिशत बजेट कटौती गरि दिने परिपाटी नै बस्यो । यस्ता कारणले निर्माण व्यवसायीले भुक्तानी पाउन सक्दैनन् । सरकारको बिकास खर्च कम हुदै जादा अर्थ बजार चलाएमान हुन नसक्नु मुख्य कारण भएको निर्माण व्यवसायी शंकर रायमाझी बताउँछन् ।