खोज

बुटवल, २१ पुस । रुपन्देहीमा जारी १२ औ फर्साटिकर कप २०८१ को आईतबार भएको खेलमा विजयी हुदै झरना स्पोट्र्स क्लब क्वाटरफाईनलमा प्रवेश गरेको छ । स्थानिय युवा खेलाडीसहित मैदानमा उत्रेको झरनाले शुद्धोधन खेलकुद विकास समितिलाई ३–० गोल अन्तरले पराजित गर्दै अन्तिम आठमा स्थान बनाएको हो । फर्साटिकर युवा क्लबको आयोजनामा भएको खेलको पहिलो हाफ बराबरीमा रहेको थियो । दोस्रो हाफमा झरना हाबी भयो । झरनाका आशिष गुरुङ म्यान अफ द म्याचबाट पुरस्कृत भएको खेल संयोजक अकरम अलीले बताए ।

शुद्धोधन गाउँपालिका १२औं फर्साटिकर कप अन्तर्राष्ट्रिय नकआउट फुटबल प्रतियोगिताको शनिबार भएको उद्घाटन खेलमा भैरव एफसी, नवलपरासीले विजयी शुरुवात गरेको छ । शुद्धोधन–४ स्थित फर्साटिकर माविको खेलमैदानमा खेलमैदानमा भएको उद्घाटन खेलमा भैरवले साविक विजेता समपुर्ण युवा क्लब, सुपौलीलाई ६–१ को फराकिलो अन्तरले पराजित गरेको हो । भैरवको जितमा सुरज आले मगरले प्रतियोगिताकै पहिलो ह्याट्रिक गरे । खेलमा हरि बुढा मगर र मनिष थारुले गोल थपे । समपुर्णका लागि सनम गुरुङले सान्त्वना गोल गरे । खेलमा ह्याट्रिक सहित थप एक गोल गरेका भैरवका सुरज आले मगर म्यान अफ दि म्याचबाट पुरस्कृत भए । खेल संयोजक अकरम अलीले जानकारी दिए ।
प्रतियोगिताको उद्घाटन गर्दै शुद्धोधन गाउँपालिकाका अध्यक्ष बिष्णु प्रसाद बस्यालले खेल गतिविधिमा स्थानिय सरकारबाट निरन्तर सहयोग गर्ने प्रतिवद्धता जनाए ।

कार्यक्रममा शुद्धोधन गाउँपालिकाका प्रवक्ता एवं वडा नम्बर ४ का अध्यक्ष केशवप्रसाद अधिकारी, क्लबका अध्यक्ष मुकेश कुँवरले स्थानिय युवाहरुलाई प्रोत्साहन हुने गरि प्रतियोगिता गर्दै आएको बताए ।

माघ २ गतेसम्म चल्ने प्रतियोगिताको विजेताले उपाधिसहित नगद ३ लाख ५ हजार हात पार्नेछ भने उपविजेताले १ लाख ५० हजार ५ रुपैयाँ प्राप्त गर्ने आर्थिक संयोजक सिद्धान्त भट्टराईले बताए ।