खोज

बुटवल, २१ पुस ।
लायन्स क्लब अफ बुटवल सयपत्रीले आफ्नो १३ औं चार्टर नाइटमा विभिन्न कार्यक्रमहरू आयोजना गरि मनाएको छ । कार्यक्रममा क्लबको वार्षिक गतिविधि र विविध कार्यक्रमहरू समेटेर तयार गरिएको डाइरेक्टरी विमोचन, लियो क्लब अफ बुटवल सयपत्रीको चार्टर प्रिजेन्टेसन, लियो सदस्यहरूका लागि सर्टिफिकेट वितरण, कम्प्युटर तालिमका प्रमाणपत्र वितरण, पाँच जना विद्यार्थीलाई छात्रवृत्ति प्रदान र नयाँ सदस्यहरूलाई अन्तर्राष्ट्रिय प्रमाणपत्र वितरण गरिएको थियोे । कार्यक्रममा लायन्स डिष्ट्रिक गर्भनर एमजेएफ पुरुषोत्तम भक्त प्राधानांगले लायन्स क्लबहरूले सामुदायिक सेवामा पु¥याएको योगदानको प्रशंसा गर्दै बुटवल सयपत्रीको सक्रियता र रचनात्मकतालाई उदाहरणीय भन्दै थप उत्साहका साथ काम गर्न प्रेरित गरे ।
डिष्ट्रिक सचिव माधव खनालले लायन्स अन्तर्राष्ट्रियको मूल उद्देश्य र यसको सामाजिक प्रभावलाई जोड दिँदै क्लबलाई अझ प्रभावकारी बनाउन सुझाव दिए । कार्यक्रममा फस्ट लेडिज लक्ष्मी प्राधानांग, क्यान महासंघका पूर्व अध्यक्ष तथा सूचना प्रविधिको अन्तर्राष्ट्रिय महासंघ एसोसियोका उपाध्यक्ष नवराज कुँवर, डिष्ट्रिकका निवर्तमान गर्भनर एमजेएफ ला. अर्जुनमान सैजु, डिष्ट्रिक सचिव माधव खनाल, कोषाध्यक्ष प्रकाश श्रेष्ठ, सिनियर डिष्ट्रिक एडभाइजर र क्लबका संस्थापक अध्यक्ष ला. प्रतिभा श्रेष्ठ, कोर्डिनेटरहरू अनिल प्रसाद श्रेष्ठ, एम. एल. पाण्डे, संगम न्यौपाने, सुलोचना श्रेष्ठ, डिष्ट्रिक चिफ एडभाइजर मधुसुदन लाल श्रेष्ठ, सिनियर डिष्ट्रिक एडभाइजर र क्लबको एक्स्टेन्सन चियरपर्सन ला. सागर राज श्रेष्ठ, द्वारीका प्रसाद श्रेष्ठ, ला. सविना श्रेष्ठ, क्लव गाईडलाईन मधुसुधनलाल श्रेष्ठ र ला. ज्ञानेन्द्र सिमानगैडा, क्लबका पूर्व अध्यक्ष र डिष्ट्रिक चिफ ला. सवनम श्रेष्ठ, एरिया चिफ दीपक प्रसाद श्रेष्ठ, एरिया ४ का सचिव अमृता कार्की पौडेल, रिजन चियर पर्सन दीपक विष्णु प्रसाद उपाध्याय र जोन चियर पर्सन ला. महेश श्रेष्ठ लगायतको उपस्थिती रहेको थियो ।
कार्यक्रममा संस्थाका अध्यक्ष कमला बस्नेत कुँवरले “विशुद्ध मानवीय सेवा गर्ने, आफूभन्दा कम अवसर पाएका र आफ्ना भन्दा बढी समस्या भएका मानिसहरूलाई सहयोग गर्ने पवित्र उद्देश्यका साथ स्थापना भएको लायन्स क्लब अफ बुटवल सयपत्रीले विभिन्न उतारचढाव पार गर्दै आज १३ औं चार्टर नाइट मनाउन पाउँदा हामी अत्यन्त गौरवान्वित भएका छौं” भनिन् । उनले आफ्नो कार्यकालको शुरुवातमै वार्षिक कार्ययोजना बनाई लायन्स इन्टरनेशनलका आठवटा प्रमुख कज डायबेटिज, इन्भारमेन्ट, चाइल्डहुड क्यान्सर, ह्युमन एफोर्ट, हगंर रिलिफि, युथ, डिजाष्टर रिलिफ, भिजन अन्तर्गत लायन्स क्लब अफ बुटवल सयपत्रीले कार्यक्रमहरू सञ्चालन गर्दै आएको बताईन ।
कार्यक्रममा लियो क्लब अफ बुटवल सयपत्रीका चार्टर अध्यक्ष नयना कुंवर, संस्थापक अध्यक्ष प्रतिभा श्रेष्ठ, एक्टेन्सन चेयर पर्सन द्वारीका प्रसाद श्रेष्ठ, सचिव शान्ति लक्ष्मी अर्याल, प्रथम उपाध्यक्ष एली क्षेत्री लगायतले आ–आफ्नो भनाइ राखेका थिए ।