खोज

बर्दघाट, १८ पुस । दिब्यशान्ती युवा क्लवको आयोजनामा तेश्रो वडाध्यक्ष कप फूटवल प्रतियोगिता २०८१ हुने भएको छ । बर्दघाट नगरपालिका वडा नम्बर ४ मा रहेको दिब्यनगर खेल मैदानमा यहि पुस २० गतेबाट खेल सँचालन भइ माघ ९ गते समापन हुने पत्रकार सम्मेलन मार्फत जानकारी गराइएको हो ।
बर्दघाट नगरपालिका भित्रका खेलाडी मात्र सहभागी हुने प्रतियोगितामा १६ वटा वडाका १८ टिमको सहभागिता रहने खेल सँयोजक रेशम शाहीले जानकारी दिए । बर्दघाट नगरपालिका वडा नम्बर ४ को विशेष सहयोग रहेको प्रतियोगिताको विजेताले नगद ६० हजार सहित ट्फि, मेडल प्राप्त गर्नेछ भने उपविजेताले नगद ३० हजार सहित ट्फि र मेडल प्राप्त गर्नेछ ।

प्रतियोगितामा सर्वोत्कृष्ट खेलाडी, उत्कृष्ट डिफेन्डर, उत्कृष्ट गोल किपर, उदयिमान खेलाडी, अनुशासित टोलीलाई समेत पुरस्कृत गरिने क्लवका अध्यक्ष खेम बहादुर रानाले जानकारी दिए ।

बर्दघाट नगरपालिका वडा नम्बर ४ का वडाध्यक्ष बेधविना तिवारीले खेलकुँदको माध्यमबाट युवाहरुलाई एकजुट बनाउने प्रयास रहेको र दुर्ब्यसनी विरुद्ध समेत सजक हुन मद्दत पुग्ने बताए । उनले यस्ता खाले प्रतियोगिताले नगरभित्र रहेका खेलाडीहरुको प्रतिभा पहिचान गर्न मद्दत पुग्ने र भविष्यमा देशको लागि खेलाडी उत्पादनमा टेवा पुग्ने बताए ।

प्रतियोगिता सँचालन गर्न करिव ५ लाख खर्च लाग्ने पत्रकार सम्मेलनमा जानकारी गराइएको थियो ।