© २०२३
३ पुष २०८२, बिहीबार
३ पुष २०८२, बिहीबार
काठमाडौं ।
गृहमन्त्री रमेश लेखकले माओवादी केन्द्रका अध्यक्ष पुष्पकमल दाहाल प्रचण्डलाई सरकारलाई धन्यवाद दिनका लागि तयार रहन भनेका छन्।
राज्य व्यवस्था समितिको बिहीबारको बैठकमा शेरादरबारबारे कुरा गर्दै प्रचण्डले भनेका थिए, “कानूनविपरीत भए फिर्ता ल्याइयोस्, म सरकारलाई धन्यवाद दिन्छु।”
प्रचण्डको यस भनाइको जवाफ दिँदै गृहमन्त्री लेखकले भने, “शेरादरबारसम्बन्धी गम्भीरताका साथ अध्ययन भइरहेको छ। पूर्वप्रधानमन्त्री प्रचण्डले सरकारलाई धन्यवाद दिनुहुन्छ भने धन्यवाद दिन तयार छौं। किनकि, गम्भीरताका साथ अध्ययन भइरहेको छ। यदि कसैको नाममा गैरकानुनी काम भएको छ भने सरकारले त्यो फिर्ता ल्याउनेछ।”
यसअघि, राज्य व्यवस्था समितिको बैठकमा एमाले सांसद बासुदेव घिमिरेले शेरादरबारको जग्गा विवादबारे गृहमन्त्रीसँग जवाफ मागेका थिए। घिमिरेले भने, “शेरादरबारबारे के भएको हो? गृहमन्त्रीले यसबारे स्पष्ट गर्न आवश्यक छ।”
गृहमन्त्री लेखकले अन्तिममा जवाफ दिने बताएका थिए, त्यसपछि प्रचण्डले अख्तियार ऐन संशोधन विधेयक र सांसद घिमिरेले उठाएको विषयमा आफ्नो धारणा राख्दै सरकारलाई धन्यवाद दिने बताएका थिए।
© २०२३
सर्वाधिकार सुरक्षित
Design & Developed By:
