खोज

बुटवल ।

तमु ह्युल छोज धि गुरुङ राष्ट्रिय परिषद रुपन्देहीले गुरुङहरुको महान पर्व सप्र्ही ल्हो (सर्प बर्ग) ल्होसारको अवसरमा बृहत् झाँकी सहित शान्ति र्याली सम्पन्न गरेको छ । “तमु थात थलोको संरक्षण र सम्बर्धनका लागि मौलिक पहिचानको आहवान, सरकारी कामकाजी भाषा तमु भाषाको घोषणाका लागि तमुवानको आन्दोलन“ भन्ने मूल नाराका साथ र्याली निकालिएको हो ।

पुष्पालाल पार्कबाट सुरु भएको झाँकी र्याली नगर परिक्रमा गर्दै परिषदको प्राङ्गण रामनगरमा पुगेर समापन भएको थियो । कार्यक्रमको उदघाटन प्रतिनिधि सभा सद्स्य एवं पुर्व शहरी विकास मन्त्री सीता गुरुङले गरेकी थिइन् । कार्यक्रममा बोल्दै उनले गुरुङ जातिहरु भाषा, संस्कार संस्कृती र रितिरिवाजहरुमा धनी भएको र भाषा नजानेका सबै गुरुङ्हरुलाई पनि समेटन सक्यौ भने मात्र गुरुङ एकता हुने बताइन् ।

आफुले संविधान सभामा सपथ लिंदा पनि गुरुङ भाषाविद संग सहकार्य गरेर गुरुङ भाषा र गुरुङ भेषभुषा लगाएर सपथ लिएको उनले बताइन् । हामी सबै आदिवासी जनजातिहरु भएकाले आधिकार र पहिचानका लागि सबै गुरुङ्हरु एकजुट भएर राज्य संग लड्नु पर्ने उनले बताइन् ।

आफू शहरी विकास मन्त्री हुदा तमु ह्युल छोज धि जिल्ला समितिको प्राङ्णमा बन्दै गरेको साँस्कृतिक पर्व र साँस्कृतिक धरोहरका रुपमा रहेको तमु सङ्ग्रहलयका लागि राज्य सरकारबाट ७० लाख रकम बिनियोजित गरेको बताइन् । आगामी दिनहरुमा पनि केन्द्रबाट सहकार्य गरेर गुरुङ सङ्ग्रहालयका लागि गर्न सकिने सहयोगका लागि गर्ने उनले बताइन् ।

कार्यक्रममा केन्द्रीय सल्लाहकार तथा मातृभाषा अभियान्त भिम गुरुङ, केन्द्रीय सचिव जिएस गुरुङ, केन्द्रीय सदस्य एवं प्रदेश प्रमुख झप्पट गुरुङ, केन्द्रीय सदस्य दिपक गुरुङ, तमुस्यो ह्युल केन्द्रीय अध्यक्ष टिचन गुरुङ, नगर समिती अध्यक्ष बुद्धि प्रसाद गुरुङ, महासंघका उपाध्यक्ष इन्द्र राई लगायतले शुभकामना मन्तव्य राखेका थिए ।

त्यसैगरी इकाई स्तरीय नृत्य प्रतियोगितामा लोक दोहोरी गायक तथा नायक धन बहादुर गुरुङ, मम आइडल बिजेता कृष्ण कुमारी गुरुङ र नृत्य निर्देशक संघ रुपन्देहीका अध्यक्ष सुन्दर गुरुङले निर्णायकको भुमिका निर्वाह गरेका थिए ।

प्रतियोगितामा दश वटा इकाई समितिलाई पछि पार्दै दिपनगर इकाई समितीले प्रथम पुरस्कार नगद सात हजार र प्रमाणपत्र प्राप्त गरेको छ । त्यसैगरी रामनगर इकाई समिती रामनगरले द्वितीय पुरस्कार नगद पाँच हजार र प्रमाण पत्र प्राप्त गरेको छ भने तृतीय पुरस्कार खेमा समाज देवदहले नगद तिन हजार र प्रमाण पत्र र सान्त्वना पुरस्कार नगद एक हजार पाँच सय इट्टाभट्टी इकाई समिती बुटवलले प्राप्त गरेको छ ।

त्यसैगरी भेषभुषा र संस्कार संस्कृति झल्किने गरी निकालिएको शान्ती र्यालीमा उत्कृष्ट दिपनगर इकाई समितिले दश हजार नगद पुरस्कार प्राप्त गरेको छ । त्यसैगरी यस बर्ष पनि नगर समितिले जेहेन्दार तथा छात्र बृत्तिका लागि नहरपुर इकाईका सुनिता गुरुङ, बदेलपोखरी इकाईका प्रशान्त गुरुङ, रामनगर इकाईका सुसन गुरुङ, मैनानगर इकाईका हिमानी गुरुङ, इट्टाभट्टी इकाईका एलिजा गुरुङ र ज्योतिनगर इकाईका अस्मिना गुरुङ्लाई पोशाक, कपि र कलम वितरण गरेको छ । कार्यक्रममा अवसरमा परिषदका जिल्ला अध्यक्ष बिमला गुरुङ, वरिष्ठ उपाध्यक्ष राम बहादुर गुरुङ, सचिव आशा गुरुङ र शेर जङ (ईश्वर) गुरुङ्गायतले पनि आ–आफ्नो धारणा राखेका थिए । तमु ह्युल छोज धि गुरुङ राष्ट्रिय परिषद रुपन्देहीले यसरी नै हरेक बर्ष सप्ताह व्यापी रुपमा विभिन्न कार्यक्रमहरु गर्दै ल्होसार पर्व भव्य रुपमा मनाउदै आईरहेको छ ।