खोज

दाङ ।

नेकपा एमालेका महासचिव शंकर पोखरेलले दुई ठूला दल मिलेर देश विकासमा गतिशीलता कायम गर्न खोज्दा सरकार ढल्छ भनेर गलत प्रचार गरेर भ्रम छर्न खोजेको बताएका छन् ।

नेपाल पत्रकार महासंघका नवनिर्वाचित पदाधिकारी, केन्द्रीय पार्षद, प्रदेश पार्षद तथा सदस्यहरुलाई घोराहीमा सोमबार आयोजित सम्मान तथा साक्षात्कार कार्यक्रममा महासचिव पोख्रेलले देश अस्थिरताको दलदलमा फस्न लागेको बेला दुई ठूला दल एमाले( कांग्रेसको सहकार्यमा देशले गति लिन खोजेको देख्दा अराजकता चाहनेहरु सरकारको भविष्य बारे बोल्नु बेमौसमी बाजा मात्रै भएको जिकिर गरे । सत्ता छाड्नु परेको पीडालाई प्रतिपक्षी दलले सरकारको भविष्य बारे बोल्नुको कुनै तुक नरहेको उनको भनाई थियो ।
यस्तै उनले देशले अझै पनि अपेक्षा गरिए अनुसार गतिलिन नसकेको बताए । लामो समय संकट, निराशा र चुनौतिका बिचबाट गुज्रिएको बेला दुई ठूला दलले सत्ता सम्हालेपछि देशले लय समातेपनि गतिलिन अझै समय लाग्ने बताए ।
ञप्रचण्ड सरकारबाट मुलुकको हित हुन नसक्ने देखेपछि दुई ठूला दल मिलेर सरकार अघि बढेको बेलामा पनि जनता सन्तुष्ट हुने गरि काम अझै हुन सकेको छैन । तर, अहिले सुधारका केही संकेत देखा परेको छझ उनले भने , ञलामो समय मुलुकको विकासमा गम्भीर असर परेका कारण अहिले नतिजा आउने गरि सुधार हुन नसकेको हो । बिस्तारै लयमा फर्किने अवस्थामा पुगेको छ ।झ
दुई ठूला दल मिलेर सरकार संचालन गरेको ४ महिनामा राजस्व १७ प्रतिशत बढेको, दायित्व भुक्तानी दिने कामको थालनी भएको बताउँदै पुरक बजेटबाट बाँकी बिल भुक्तानी दिने प्रकृया अघि बढेको बताए ।
यस्तै, आर्थिक तरलता घटाउन सरकारले कोशिस जारी राखेको हुँदा व्यवसायीले ढुक्कसँग लगानी गर्न अपिल गरे ।
अहिलेका दलहरु देशको चुनौति कसरी सामना गरेर निकास खोज्ने विषयमा अत्यन्तै गम्भीर ढंगले योजनावद्ध रुपमा अघि बढेको बताए । उनले संविधान संशोधनका लागि सबैको सहमतिमा काम गर्ने गरि अघि बढ्ने तर यसमा हतार नगर्ने बताए । ञहामी देश र जनताको भलो हुने जायज कुरामा अघि बढ्छौँ । अनावश्यक कुरामा अल्झिन्नौँ ।
शक्ति पृथकीकरण,अधिकार प्रत्यायोजन, कानुनको समीक्षा हुनेछ। कानुन बनाउँदा कानुनले नै कानुन कार्यान्वयनमा कतिपय ठाउँमा समस्या देखिने गरेको छ। बाधक कानुन र दोहोरो कानुन एकीकृत गरेर जाने र अनावश्यक कानुन खारेज हुनेछझ उहाँले भन्नुभयो ञदेश विकास र सुशासनका लागि अब कुनु कुन विषयमा कानुन बनाउनुपर्ने छ त्यो प्राथमिकतामा रहनेछ । शासकीय स्वरुप सुधारका लागि ६ सदस्यीय कमिटीले काम गरिरहेको छ । यति मात्रै होईन, सुशासनका लागि हरेक मन्त्रालयमा संयन्त्र निर्माणको अवस्थामा रहेको छ।झ
पछिल्लो राजनीतिक घटना क्रमबारे बोल्दै महासचिव पोखरेल नैतिक धरातल बिर्सिएर गलत काम गर्ने माथि राज्यले प्रतिसोध साँधेको भन्नू गलत रहेको टिप्पणी गर्नु गरे ।

उनले महासंघको सदस्यता सुद्धिकरण अभियान भद्दा भएको भन्दै सच्याउन आग्रह गरे। ञहिजोका दिनमा कोही भनसुनका आधारमा, सामाजिक सञ्जालमा लेखेका आधारमा पत्रकार हुने अवस्था बन्यो भने कोही पत्रकारितामा जीवन बिताएकाहरु बाहिरिनु पर्यो, यो अवस्था किन भयो, समिक्षासहित सुधार गर्न जरुरी छझ,उनले भने ।पत्रकारिता कमजोर बनाउने अधार बन्नु हुदैन । यो सच्याउन अबको नेतृत्वले सोच्नुपर्छ र सच्याउनु पर्छझ ।
नेकपा एमाले दाङको प्रचार तथा प्रकाशन विभागको आयोजनामा भएको कार्यक्रममा केन्द्रीय सचिव सविन प्रियासनले दाङले एकताको सन्देश दिएको भन्दै यसबाट लुम्बिनीको मिडिया थप बलियो बनाउने गरि अभियान अघि बढाउने बताए ।

नेपाल पत्रकार महासंघ दाङ शाखा अध्यक्ष सन्तोष सुवेदीले महासंघ र मिडियामा आच आउन नदिने गरि जिम्मेवारी पूर्वक भुमिका निर्वाह गर्ने प्रतिवद्धता जनाए ।
प्रेस चौतारी दाङका अध्यक्ष प्रेमबहादुर राम्जाको स्वागत मन्तव्यबाट शुरु भएको कार्यक्रमको सहजीकरण सचिव किरण गौतमले गरेका थिए ।।