अर्काको काँधमा चढेर राज गर्ने दिन सकिए: प्रधानमन्त्री ओली

ओलीले प्रचण्डको नेतृत्वमा सरकार चलाउँदा भएका अस्थिरताका बारेमा प्रकट गर्दै भने, “अर्काको काँधमा चढेर म्याजिक नम्बर भन्दै धक्कु लगाउँदै मनपरितन्त्र चलाउने दिन अब सकिएको छ।” उनले अहिलेको सरकारलाई गठबन्धन नभइ, “समीकरण” भनेर व्याख्या गर्दै भने कि यस समीकरणको लक्ष्य देशको स्थिरता र समृद्धि हो।

ओलीले नेपाली कांग्रेससँगको वर्तमान समीकरणको महत्त्व र यसको नेतृत्व गर्ने जिम्मेवारी नेकपा एमालेको हुने दाबी गर्दै भने, “हामीले धेरै महत्त्वपूर्ण योजनाहरू सुरु गरेका थियौं, जुन केही समयका लागि रोकिएका थिए। अब ती कामहरू फेरि अघि बढिरहेका छन् र विश्वास राख्नुहोस्, नेकपा एमालेले देशको विकासको नेतृत्व गर्नेछ।”

उनले वर्तमान सरकारलाई स्थिरता प्रदान गर्न र देशका विकासका लागि योगदान पुर्याउने प्रमुख शक्तिको रूपमा चिनाउँदै भने, “नेपालको राजनीति अस्थिर थियो र त्यस्तो अस्थिरताबाट मुक्त गराउन अहिलेको सरकार आवश्यक छ।”

यो खबर पढेर तपाईलाई कस्तो महसुस भयो ?

ट्रेंडिंग: