खोज

सल्यान, १३ पुस ।

सल्यानको छत्रेश्वरी गाउँपालिकाले एक करोडको लागतमा विद्यालय भवन निर्माण गरिरहेको छ ।

कर्णाली प्रदेश सरकारसँगको साझेदारीमा एक करोडको लागतमा विद्यालय भवन निर्माण गर्न लागेको हो । गाउँपालिकाका अध्यक्ष ओजबहादुर बुढाटोकीले शनिबार बिहान लक्ष्मी मावि छत्रेश्वरी–४, जयचौरमा आठ कोठाको पक्की भवनको उद्घाटन गरेका हुन् । यसमा गाउँपालिकाका लागि ५० लाख र प्रदेश बृहत् कोषका लागि ५० लाख रुपैयाँ रहेको छ ।

भवनको उद्घाटन गर्दै गाउँपालिका अध्यक्ष बुढाटोकीले समयमै निर्माण कार्य सम्पन्न गरी विद्यालयलाई थप व्यवस्थित बनाउन आग्रह गरे । उनले भवन निर्माण भएपछि विद्यार्थीको सिकाइ वातावरणमा सुधार हुने विश्वास व्यक्त गरे । टेन्डर प्रक्रियामार्फत न्यु तुलसी कन्स्ट्रक्सन सर्भिसेज, छत्रेश्वरी गाउँपालिका–५ ले भवन निर्माणको जिम्मा लिएको हो ।

वडा नं. चौथो वडा अध्यक्ष छविलाल खत्री, कार्यकारिणी सदस्य तुल्सा विक, वडा सदस्य यहुदी, पूर्व वडा अध्यक्ष नेबबहादुर खड्का, विद्यालय व्यवस्थापन समितिका अध्यक्ष चेतबहादुर वली, प्रधानाध्यापक बुद्धि डाँगी, स्थानीय राजनीतिक दलका प्रतिनिधि, शिक्षक, अभिभावक तथा स्थानीय बुद्धिजीवीहरुको उपस्थिति रहेको थियो ।

नगरपालिकासँगको सम्झौताअनुसार छिट्टै भवन निर्माण कार्य सम्पन्न गरी विद्यालयको भौतिक पूर्वाधार सुदृढ हुने अपेक्षा गरिएको छ । छत्रेश्वरी गाउँपालिका र कर्णाली प्रदेश सरकारबीचको यो पहिलो सहकार्यले स्थानीय तहको शैक्षिक स्तर उकास्न सहयोग पुग्ने विश्वास छ ।