खोज

जितपुर, १३ पुस।
कपिलवस्तु जिल्लाको बाणगंगा नगरपालिकामा अब मालपोत तथा नापी एकीकृत सेवा कार्यालय स्थापना हुने भएको छ । बाणगंगा नगरपालिका वडा न. ८ बोर्डगाँउमा कार्यालय स्थापना हुने भएको हो । नेपाल सरकारको मन्त्रिपरिषद्को बैठकले सो सेवा कार्यालय स्थापना गर्ने निर्णय गरेको हो । यो संगै कपिलवस्तुमा दुई वटा सेवा कार्यालय र मुख्य कार्यालय गरि तिनवटा कार्यालय हुनेछन् । यसले स्थानीय सेवाग्राहीका लागि सहज र प्रभावकारी सेवा पु¥याउने विश्वास गरिएको छ ।
सरकारको यो कदमले बाणगंगाका स्थानीयबासिन्दालाई ठूलो राहत मिलेको स्थानीयको भनाइ छ । यसअघि भूमिसुधार तथा मालपोत र नापी कार्यालयका सेवाग्राहीले उत्तरी भेगबाट तौलिहवा पुग्नुपर्ने बाध्यता रहेको थियो । कार्यालय स्थापनासँगै अब सेवाग्राहीलाई नजिकै सेवा प्राप्त गर्न सजिलो हुनेछ । यो निर्णयले सेवाग्राहीको समय र खर्च दुवै बचत हुने कपिलवस्तु उद्योग बाणिज्य संघका पुर्व अध्यक्ष उमानाथ पौडेलले बताए । उनले यो निणर्यलाई समयको माग र विकासको क्रम भएकाले दक्षिण भेगका सबैले सहयोग गर्नुपर्ने बताए ।
अब बाणगंगामा बसोबास गर्ने नागरिकलाई सदरमुकाम जानु पर्दैन । बाणगंगा नगरपालिका अन्तर्गतको मालपोत र नापी कार्यालयलाई यहाँ स्थायी रूपमा स्थापना गर्नका लागि काम अघि बढाइएको छ । यस कार्यालयको स्थापना भएपछि स्थानीय नागरिकले विभिन्न प्रशासनिक र कानूनी सेवाहरू स्थानीय स्तरमै पाउनेछन्, जसले गर्दा उनीहरूको समय र खर्च बचत हुनेछ ।
यसका साथै, सदरमुकाम जानुपर्ने सन्दर्भमा रहेका कठिनाइहरूको अन्त्य हुनेछ । कार्यालयको स्थापनाले बाणगंगा क्षेत्रको प्रशासनिक कार्यलाई पनि तीव्रता दिनेछ र यहाँका नागरिकलाई सहज सेवा प्राप्त हुनेछ । मालपोत तथा नापी कार्यालयको स्थापनाले बाणगंगा नगरपालिकामा रोजगारीका नयाँ अवसरहरू सिर्जना गर्नेछ । कार्यालय सञ्चालनका लागि आवश्यक जनशक्ति र प्रशासनिक कर्मचारीको माग हुने भएकाले स्थानीयलाई रोजगारका सम्भावना बढ्नेछ ।
साथै, यसले नगरभित्रका व्यवसायहरूलाई थप चलायमान बनाउने विश्वास गरिएको छ । कार्यालयमा आउने सेवाग्राहीहरूको चहलपहलले स्थानीय बजारमा आर्थिक गतिविधि बढाउने र होटल, रेष्टुरेन्ट तथा यातायात क्षेत्रलाई पनि फाइदा पुग्ने अपेक्षा गरिएको छ ।
कार्यालय स्थापना गर्न बाणगंगा नगरपालिकाको वडा न. ८ छनोट भएको सरकारको स्पष्ट निर्णय छ । बाणगंगा नगरपालिकाको वडा नं. ८ को चयन गर्नु सरकारी निर्णयको साँचो अवलोकन र व्यवहारिकतामा आधारित कदम हो । यस क्षेत्रलाई कार्यालय स्थापना गर्न उपयुक्त मान्नुको मुख्य कारण यसको भौगोलिक सहजता, जनसंख्या घनत्व, र स्रोतहरूको उपलब्धता हो । वडा नं. ८ भौगोलिक दृष्टिले नगरपालिकाको मध्य भागमा पर्ने भएकाले यस स्थानमा सरकारी कार्यालय स्थापना गर्दा सबैलाई सेवा लिन सहज हुनेछ । साथै, यस वडामा पर्याप्त पूर्वाधार, भौतिक साधन र यातायातको सुबिधा भएकाले कार्यालय सञ्चालनको लागि आवश्यक वातावरण सहजै उपलब्ध छ ।
नगरबासीको दृष्टिकोणबाट हेर्दा पनि यो निर्णयले समग्र नगरपालिकाको सेवा प्रवाहमा गुणात्मक सुधार ल्याउने विश्वास गरिएको छ । वडा नं. ८ का बासिन्दाहरूले यसलाई आफ्नो क्षेत्रको विकासका लागि महŒवपूर्ण अवसरका रूपमा लिएका छन् । यसले क्षेत्रीय सन्तुलन र विकासमा योगदान पु¥याउनेछ ।
यो निर्णय कार्यान्वयन गर्दा स्थानीय समुदायसँग समन्वय गरेर जनताको आवश्यकताका आधारमा कार्यालयका सेवा र सुबिधाहरूको व्यवस्थापन गर्न सकेमा थप सकारात्मक परिणाम आउने निश्चित छ । थप, यो निर्णयले नगरपालिकाको अन्य वडाहरूमा समेत आवश्यक कार्यालयहरूको स्थापना र विकासमा प्रेरणा दिने अपेक्षा गर्न सकिन्छ ।
यो कार्यालय स्थापना बाणगंगा नगरपालिकाको विकासका लागि एक महŒवपूर्ण कदमका रूपमा हेरिएको छ । सरकारी सेवाको पहुँच स्थानीय तहसम्म विस्तार गर्दा नागरिकको जीवनस्तरमा सुधार आउने मात्र नभई नगरपालिकाको समग्र विकासमा योगदान पुग्ने विश्वास गरिएको छ ।
स्थानीयबासीहरूले सरकारको यस निर्णयको स्वागत गर्दै कार्यालय चाँडै सञ्चालनमा आउनुपर्ने माग गरेका छन् ।