खोज

चारनम्बर, १३ पुस ।
ईलाका प्रहरी कार्यालय पिपराले नागरिक सुनुवाई कार्यक्रम सम्पन्न गरेको छ । प्रहरीले शुक्रबार बाणगंगा नगरपालिका वडा नं.२ को वडा कार्यालयमा उक्त कार्यक्रम सम्पन्न गरेको हो ।
सो कार्यक्रममा नागरिकस्तरबाट सवारी दुर्घटना, लागुपदार्थ दुव्र्यसनी, नदीजन्य पदार्थको अवैध दोहन, लेनदेन, चोरीतस्करी, नागरिक प्रहरी सम्बन्ध, शान्ति सुरक्षा लगायतका विषयमा प्रश्न उठेका थिए । प्रश्नहरूका जवाफ दिँदै ईलाका प्रहरी कार्यालय पिपराका प्रमुख लोकेन्द्र जिसीले पछिल्लो समय बाणगंगामा बालबालिका हराउने समस्या देखिन थालेको बताए ।
उनले हराउनेहरूमा अधिकांश किरोरीहरू रहेको भन्दै यस्ता समस्या सिर्जना हुन नदिन अभिभावक सचेत हुनुपर्ने बताए । उनले बाणगंगालाई अब लागुपदार्थ दुव्र्यसनीको हवका रूपमा परिभाषित गर्न नहुने बताए । ‘अहिले पनि विभिन्न कार्यक्रमहरूमा बाणगंगालाई लागुपदार्थ दुव्र्यसनीको हव भनिदैं आएको छ,’ उनले भने, ‘अहिले त्यस्तो अवस्था छैन् । सेवनकर्ता र ओसारपोसार गर्नेको संख्या उल्लेख्य मात्रामा घटेको छ ।’ लागुपदार्थ दुव्र्यसनी नियन्त्रणको क्षेत्रमा ईलाका प्रहरी कार्यालयले उल्लेखनीय काम गरेको उनले दाबी गरे ।
उनले बाणगंगाका भित्रि सडकहरू साँधुरो हुँदा दुर्घटना हुने गरेको बताए । मुख्य बजार क्षेत्रमा सिसिटिभि क्यामेरा जडान गरिए पनि त्यो पर्याप्त र गुणस्तरिय नभएको स्वीकार गर्दै उनले उच्च स्तरको सिसिटिभि क्यामेरा जडान गर्न आवश्यक पहल गर्दै आएको बताए । प्रहरीको संख्या सिमित मात्रामा रहेकाले आमनागरिकलाई अपेक्षित रूपमा शान्ति सुरक्षाको प्रत्याभूति दिलाउन चुनौति देखिएको उनले बताए । यद्यपी बाणगंगामा अन्य पालिकाको तुलनामा शिक्षित वर्गको बसोबास रहेकाले उजुरीको संख्या कम नै रहेको उनको भनाइ छ । प्रहरीले आफ्नो काम, कर्तव्य र अधिकार दृढताका साथ निर्वाह गरिरहेको उनले जिकिर गरे ।
उक्त कार्यक्रममा बाणगंगा नगरपालिकाका