खोज

बुटवल, १२ पुस ।

लायन्स क्लब बुटवल सयपत्री, लायन्स क्लब बुटवल र लायन्स क्लब भृकुटी टाउन मनकामना गरी ३ वटा क्लबहरुको संयुक्त अयोजनामा बुटवलको हाट बजारमा रहेको ज्ञानुदय माविको रात्रीकालिन ७५ जना विद्यार्थीहरुलाई ट्रयाकसुट वितरण गरिएको छ ।

क्लबहरुका अध्यक्षहरु कमला बस्नेत कुंवर, मृगेन्द्र गोविन्द श्रेष्ठ र कुशुम थापाको संयुक्त अध्यक्षतामा भएको कार्यक्रममा डिष्ट्रिक ३२५ पिका डिष्ट्रिक गभर्नर पुरुषोत्तम भक्त प्राधानाङ्गले स्ता कार्यक्रमले लायन्सको मूल मर्म र उद्देश्य प्राप्तीका लागि सहयोग पुग्ने बताए ।
साथै उनले लायन्स क्लब अफ बुटवल सयपत्री, बुटवल, भृृकुटी टाउन मनकामनाले यस्तै रचनात्मक कार्यक्रमहरु गर्दै आईरहेको बताउँदै यस श्रंखलालाई निरन्तता दिन आग्रह समेत गरे ।

कार्यक्रमममा सिनियर डिष्टिक एडभाईजर गोपाल पाण्डे, एरिया ४ का एरिया चिफ दिपक श्रेष्ठ, डिष्टिक चिफ ज्ञानेन्द्र सिमांगैडा, ज्ञानोदय स्कूलका अध्यक्ष सबर मियाहरुले यस स्कूलमा रात्रीकालिन अध्ययन गर्ने विद्यार्थीहरुको आर्थिक परिस्थिति कमजोर रहेको हुंदा चिसो समयलाई ध्यान दिनु पर्ने बताए ।

उक्त कार्यक्रममा बुटवल लायन्स क्लबका अध्यक्ष मृगेन्द्र गोविन्द श्रेष्ठ, सयपत्री क्लबका अध्यक्ष कमला बस्नेत कुंवर, मनकामनाका अध्यक्ष कुशुम थापा र सयपत्रीको पूर्व सचिव रीना भारीले कायृक्रमको उद्देश्य, महत्व र विषयवस्तुबारे प्रकाश पारेका थिए ।