खोज

बुटवल, ९ पुस । रुपन्देही दशौ जिल्लास्तरीय अन्तर माबि एभरेष्ट कप छात्रा भलिबल प्रतियोगिता एवं खेलकुद दिवस २०८१ शुरु भएको छ । एभरेष्ट ईगलिस बोर्डिङ माबिको आयोजनामा मंगलबार देखि शुरु भएको प्रतियोगितामा कुवरवर्ति ईगलिस बोर्डिङ स्कुलले विजयी शुरुवात गरेको छ । उद्घाटन खेलमा कुवरवर्ति ईगलिस बोर्डिङ स्कुलले जनज्योती माबिलाई २–० को सोझो सेटमा पराजित गरेको हो ।

प्रतियोगिताको बुटवल उपमहानगरपालिकाका नगरप्रमुख खेलराज पाण्डेयले उद्घाटन गर्दै नगरका नीजि विद्यालयहरु खेलकुद गतिविधिमा अग्रसर रहेर खेलाडी उत्पादनमा महत्वपुर्ण योगदान दिएको बताए । देशभरिकै पालिकामध्ये बुटवलले खेलकुदमा राम्रो बजेटको ब्यवस्थापन गरेको उनले दाबी गरे । विद्यालयस्तरमा हुने लगानी खेलाडी उत्पादनमा प्रभावकारी हुने भन्दै यसमा स्थानिय सरकार लागेको उनले बताए । बुटवलको भुगोल, सास्कृति, जातिय विशेषता देखिने गरि अभ्यास अघि सारेको उनले बताए ।

कार्यक्रममा विद्यालयका प्राचार्य कृष्ण न्यौपानेले विद्यालयमा बालबालिकाहरुमा लुकेर रहेका प्रतिभा प्रस्फुटन हुने गरि शैक्षिकसंगै अन्य धेरै गतिविधिहरुमा अग्रसर हुदै आएको बताए । खेलबाट नै देशको नाम कमाउने सक्ने गरि विद्यालय लागेको उनले बताए । छात्रा भलिबल खेल र खेलाडी उत्पादनमा विद्यालयबाट विगत लामो समयदेखि लगानी गरेको उनले बताए । विद्यालयको लगानीको प्रतिफल देशलाई नै भएको उनले दाबी गरे । ‘दशौ संस्कारणमा आईपुग्दा धेरै राष्ट्रियस्तरमा खेलाडीहरु उत्पादन गर्न सफल भएको छ ।’– उनले भने ।

प्रतियोगिताको उपाधि विजेताले नगद ३० हजार रुपैया, कप, मेडल, प्रमाणपत्रबाट पुरस्कृत गरिने संयोजक अर्जुन घिमिरेले बताए । उपविजेता टिमलाई नगद २० हजार रुपैया, कप, मेडल, प्रमाणपत्र तथा तृतिय टिमलाई नगद १० हजार रुपैया, कप, मेडल, प्रमाणपत्रबाट पुरस्कृत गरिने उनले बताए । प्रतियोगितामा रुपन्देहीका १६ टिमले प्रतिस्पर्धा गर्दैछन । अघिल्लो संस्करणमा आयोजक एभरेष्ट उपाधि विजेता रहेको थियो । पहिलो दिन ६ वटा खेलहरु हुने उनले बताए ।

कार्यक्रममा विद्यालय ब्यवस्थापन समितिका अध्यक्ष गम प्रसाद रेश्मीले एक विद्यालय एक खेलकुदको अवधारणालाई अघि बढाउन सके खेलाडी उत्पादन प्रभावकारी हुने बताए ।

कार्यक्रममा बुटवल वडा नं ८ का वडाअध्यक्ष यज्ञप्रसाद पंगेनी, अभिभावक संघ केन्द्रिय सदस्य लोकनाथ ज्ञवाली, नगर खेलकुद विकास समितिका संयोजक बोनिन पिया, नेपाल पत्रकार महासंघ रुपन्देहीका अध्यक्ष दिनेश पाण्डे, रुपन्देही भलिबल संघका अध्यक्ष सुरेन्द्र कुमार शाक्य, रुपन्देही जिल्ला खेलकुद विकास समितिका कार्यालय प्रमुख चन्द्रकान्त आचार्य, नेपाल खेलकुद पत्रकार मंच रुपन्देहीका अध्यक्ष सुमन अधिकारी, लाफा समुहका अध्यक्ष बबिन थापा, मणिमुकुन्द भलिबल क्लबका अध्यक्ष लोकेन्द्र भण्डारी, लखन ब्रदर्शका अध्यक्ष सुनिल क्षेत्री, विधालयका सहप्राचार्य भिमसेन गौतमले खेल विकासमा नीजि विद्यालयको योगदान बारे प्रकाश पारे ।