काठमाडौँ ।
उड्डयन सेवा कम्पनी ‘एएआर कोर्प’लाई नेपाल र दक्षिण अफ्रिकामा एयरलाइन्सको ठेक्का प्राप्त गर्न र विमान खरिदमा घुस दिने आरोपमा दोषी ठहर गरिएको छ। अमेरिकाको इलिनोइस स्थित वुड डेलमा मुख्यालय रहेको ‘एएआर कोर्प’ले नेपाल एयरलाइन्सको विमान A330 र 200 को खरिदमा चलखेल गरेको अमेरिकी न्याय विभागको अनुसन्धानबाट खुलासा भएको हो।
अमेरिकी न्याय विभाग र धितोपत्र तथा विनिमय आयोग (SEC) द्वारा गरिएको अनुसन्धानमा कम्पनीले विदेशी भ्रष्टाचार अभ्यास ऐन (FCPA) को उल्लङ्घन गरेको पाइयो। कम्पनीले अब ५ करोड ५० लाख डलर (लगभग ६ अर्ब ७५ करोड रुपैयाँ) भुक्तानी तिर्नुपर्ने छ।
कम्पनीका एक पूर्व सहायक कार्यकारीले नेपाल र दक्षिण अफ्रिकाका सरकारी कर्मचारीलाई घुस दिने कुरा स्वीकार गरेका छन्। न्याय विभागका प्रमुख परामर्शदाता ब्रेन्ट विबलले भने, “एएआर कोर्पले नेपाल र दक्षिण अफ्रिकामा राज्य स्वामित्वमा रहेका एयरलाइन्ससँग विमान खरिद बिक्री गर्न सरकारी अधिकारीलाई घुस दिएको थियो, जसबाट कम्पनीले लगभग ४ करोड ८० लाख रुपैयाँ अवैध नाफा कमाएको छ।”
यस मुद्दाको अनुसन्धान एचएसआई–न्युयोर्कले गरिरहेको छ भने न्याय विभागको अन्तर्राष्ट्रिय मामिला कार्यालयले सहयोग प्रदान गरेको छ।
