© २०२३
२८ मंसिर २०८२, आइतबार
२८ मंसिर २०८२, आइतबार
बर्दघाट, ८ पुष ।
बर्दघाट उद्योग वाणिज्य सँघले रक्तदान कार्यक्रम सम्पन्न गरेको छ । आठौ बर्दघाट महोत्सवको अवसर पारेर सँघले रक्तदान कार्यक्रम आयोजना गरेको हो ।
रक्त सँचार सेवा केन्द्र परासीको प्राविधिक सहयोग र नेपाल रेडक्रस सोसाइटी बर्दघाट उपशाखाको सह आयोजनामा रक्तदान कार्यक्रमको आयोजना गरिएको कार्यक्रमका सँयोजक घनश्याम थारुले जानकारी दिए ।
स्थानिय व्यवसायी, शसस्त्र प्रहरी, स्थानीयबासी गरि एक महिला सहित २८ जनाले रक्तदान गरेका थिए । रक्तदान कार्यक्रममा नेपाल रेडक्रस सोसाइटी बर्दघाट उपशाखा सभापति नारायण प्रसाद अधिकारीले रक्तदाताले रक्तदान गर्दा जिवनरक्षामा महत्वपूर्ण योगदान पुग्ने भएकाले रक्तदान गर्न योग्य हरेक ब्यक्तिले रक्तदान गर्नुपर्नेमा जोड दिएका थिए ।
अस्पतालहरुमा रगतको अभावमा धेरै विरामीहरुले ज्यान गुमाउनुपर्ने बाध्यताको अन्त्यका लागि विभिन्न सँघसँस्थाहरुले आयोजना गर्ने रक्तदान कार्यक्रमले रक्त अभावमा सहयोग पुग्ने सँघका अध्यक्ष लेखनाथ न्यौपानेले बताए ।
बर्दघाट उद्योग वाणिज्य सँघले विगतका वर्षहरुमा समेत रक्तदान कार्यक्रमको आयोजना गर्दै आएको थियो ।
© २०२३
सर्वाधिकार सुरक्षित
Design & Developed By:
