© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौं।
नेपाल विद्यार्थी संघ (नेविसंघ) ले आफ्नो १२ औं महाधिवेशनको तयारीको क्रममा राष्ट्रव्यापी सदस्यता वितरण अभियान सुरु गरेको छ।
प्रवक्ता सुरज सेजुवालका अनुसार, पुस ७ गतेदेखि सदस्यता वितरण तथा सुझाव संकलन अभियान थालिएको हो। यस अभियानको उद्देश्य संगठनको सदस्य संख्या वृद्धि गर्दै आगामी महाधिवेशनको तयारीलाई सशक्त बनाउनु हो।
अभियानको लागि, नेविसंघले प्रत्येक जिल्ला, आंगिक क्याम्पस, स्ववियु, विद्यार्थी कल्याण परिषद्, र विभिन्न विश्वविद्यालयहरूको केन्द्रीय क्याम्पस तथा अन्य क्याम्पस/कलेज/प्रतिष्ठानमा प्रतिनिधिहरू खटाएको छ। यी प्रतिनिधिहरूले आफ्नो कार्यक्षेत्रका विद्यार्थीहरूको नामावली संकलन गरी केन्द्रीय कार्यालयमा बुझाउने कार्य गर्नुपर्नेछ।
प्रवक्ता सेजुवालले भने, “सदस्यता वितरणका लागि केन्द्रीय प्रतिनिधिलाई कार्य विवरण दिइसकेको छ र तिनीहरूले ठोस प्रतिवेदन तयार गरी केन्द्रीय कार्यालयमा बुझाउने छन्।”
यो अभियान नेविसंघको संगठनात्मक सशक्तिकरण र आगामी महाधिवेशनको लागि महत्त्वपूर्ण कदमका रूपमा रहेको छ।
© २०२३
सर्वाधिकार सुरक्षित
Design & Developed By:
