© २०२३
२० मंसिर २०८२, शनिबार
२० मंसिर २०८२, शनिबार
काभ्रे, ८ पुस ।
काभ्रेको मण्डनदेउपुर नगरपालिका-१ गैरीगाउँ स्थित घिसिङ टोलकी ५२ वर्षीया तिनमाया तामाङको हत्या आरोपमा उनका ज्वाइँ २८ वर्षीय सुकबहादुर तामाङलाई प्रहरीले पक्राउ गरेको छ।
प्रारम्भिक अनुसन्धानका आधारमा, मृतकका ज्वाइँ सुकबहादुरले नै तिनमायाको हत्या गरेको पुष्टि भएको छ। पुलिसका अनुसार, सुकबहादुरले हत्या स्वीकारेका छन् र भनेका छन् कि तिनमायाले सधैं काम नगर्ने भन्दै गाली गर्थिन् र सोही दिन पनि गाली गरेपछि उनले गुस्सामा आकर हत्या गरेका थिए।
तिनमाया तामाङ मंसिर ३० गते आफ्नै घरमा मझेरीमा मृत अवस्थामा फेला परेकी थिइन्। घटना पछि अनुसन्धान थालिएको थियो र सुकबहादुरलाई पुस ५ गते पक्राउ गरिएको काभ्रेको जिल्ला प्रहरी कार्यालयका प्रमुख, एसपी बसुन्धरा खड्काले जानकारी दिइन्।
सुकबहादुरले तिनमायालाई मुक्का प्रहार गर्नुका साथै कुटपिट गरेर टाउको थाममा ठोक्काएर हत्या गरेको बयान दिएका छन्।
प्रहरीले उनलाई जिल्ला अदालतमा पेश गरी पाँच दिनको म्याद थप गरेर थप अनुसन्धान गरिरहेको जनाएको छ।
© २०२३
सर्वाधिकार सुरक्षित
Design & Developed By:
