खोज

नवलपरासी, ७ पुस ।
टेक्टरमा उखु लोड गरि चिनी मिलमा लैजादै गर्ने किसानबाट प्रहरीले रकम असुल गरेको भन्दै जिल्ला सदरमुकाम परासीमा स्थानियले चक्काजाम गरेका छन् । टेक्टरमा उखु लोड गर्दा भभ्भड भएको भनेर रोक्ने र प्रति टेक्टरबाट सय देखी दुई सय रकम असुल गर्ने तर रसिद पनि नदिईने गरेको हुँदा प्रहरीको कार्यशैलीको विरोधमा बुद्धचोकमा एक घण्टा चक्काजाँम गरेका हुन् ।
किसान विरोधी गतिविधिमा प्रहरीहरू लागेको आरोप स्थानिय समाजसेवी रामभवन यादवले लगाउँदै चक्काजाँम गराएका थिए । तस्करसँग रकम खादै गाडी छाड्दै पल्केका नेपाल प्रहरीहरूले किसानलाई पनि त्यही नजरियाबाट हेर्ने गरेको उनको भनाई थियो । क्षमता भन्दा बढि लोड गरि सडकमा टिपर दुगुर्ने गरेका छन् । भारतिय ट्रक पनि जहाँ तही हिडेका छन्, त्यस तर्फ प्रहरीको ध्यान छैन्,भए पनि उनीहरूबाट रकम उठाउदै छाड्ने गरेका होलान,उनले भने, त्यही र्वाईया किसानसँग पनि प्रहरीले रकम असुल्ने कार्य गर्दै आएका छन् ।
दैनिक सय भन्दा बढि टेक्टर उखु लिएर लुम्बिनी चिनी उद्योग सुनवल जाने गर्छन् । यसै गरि प्रत्येक टेक्टरबाट रकम असुल्ने प्रहरीले दैनिक हजारौ रुपिया अवैध असुलीमा लागेका छन् । प्रहरीले रकम उठाउँदा प्रमुख जिल्ला अधिकारी, प्रहरी अधिकृतहरू किन चुप लाग्ने गरेका होलान ? उनले प्रश्न गर्दै भने, तस्करसँग मोटो रकम अधिकारीहरूले लाईन खाने गरेको हुँदा समान्य प्रहरीहरूले किसान तथा साना ब्यवसायिलाई लक्षित बनाई रकम असुल्ने गरेका उदाहरण उखु टेक्टरबाट उठाउने गरेको रकमले पुष्टि गर्छ । नेपाली किसानसँग मात्रै नभई केही भारतिय किसानले पनि उखु लिएर आउदा प्रति टेक्टर पाँच सय रुपियाका दरले सिमाक्षेत्रमा प्रहरीले अबैध असुली गर्दै आएको गुनासो पनि बढेको छ । चक्काजाँम भए पछि प्रहरी र स्थानियको समस्याबारेछलफल गर्न जिल्ला समन्वय समितिले बोलाएर चक्काजाँम खुलाएका थिए ।
विभिन्न क्षेत्रमा प्रहरीको ज्यादती बढदै गएको प्रति स्थानियबासीले समेत समर्थन गरेका थिए । प्रहरीले जुन सुकै सवारीसाधन जुनसुकै स्थानमा रोक्ने र कुनै न कुनै कमजोरी देखाउँदै रकम असुली तर्फ उन्मुख देखिने गरेका छन् । तह अनुसारका प्रहरीले रकम असुली गर्ने व्यक्तिलाई लक्षित बनाउने गरेका छन् । जिल्लामा बस्ने प्रहरी अधिकारीहरू तस्करलाई लक्षित गर्ने गर्छन् । विभिन्न क्षेत्रमा रहेका प्रहरी युनिटहरूले तस्करहरूलाई खोजतलास गरि महिनवारी लाईन बाध्ने गरेका छन् । समान्य हवल्दार र जवान सडक सडक गल्लिगल्लि घुम्ने र जो भेटिए त्यसैबाट असुली गर्ने प्रवृतिले प्रहरी प्रति नकारात्मकता बढ्दै गएको नागरिक समाजले जनाएको छ । चक्का जाँम प्रहरीको ब्यवहार प्रतिको एक आक्रोस हो,यादवले भने, यस्ता समस्या हरेका क्षेत्रमा छन् ।