© २०२३
२३ मंसिर २०८२, मंगलवार
२३ मंसिर २०८२, मंगलवार
चन्द्रौटा, ६ पुस ।
कपिलवस्तुको चन्द्रौटामा ९औं चन्द्रौटा कृषि, पर्यटन तथा औद्योगिक व्यापार महोत्सव हुने भएको छ । शिवराज नगरपालिका वडा नम्बर ५, चन्द्रौटामा ९औं महोत्सवको तयारी सुरु भएको शुक्रबार एक कार्यक्रमबीच सार्वजनिक पछि महोत्सव हुने भएको हो । व्यापार संघको कपिलवस्तुको आयोजनामा आगामी माघ ९ गतेदेखि २० गतेसम्म सञ्चालन हुने भएको संघले जनाएको छ ।
“कृषि, उद्योग, पर्यटन र व्यापारः स्थानीय उत्पादनको प्रयोग, रोजगारको मुख्य आधार” भन्ने नाराका साथ आयोजना गरिने महोत्सवमा स्थानीय उत्पादनलाई प्राथमिकता दिइने व्यापार संघका अध्यक्ष महादेव पोख्रेलले जानकारी दिए । महोत्सवलाई नयाँपन दिने र जिल्लाका अन्य स्थानीय तहसँग सहकार्य गर्दै पर्यटन तथा औद्योगिक क्षेत्रमा प्रचारप्रसार गरिने समेत उनले बताए । महोत्सवले कृषि, उद्योग, र पर्यटन क्षेत्रलाई प्रोत्साहन गर्दै स्थानीय उत्पादन तथा रोजगारीलाई प्राथमिकता दिने बताए ।
कार्यक्रमका अवसरमा नवनिर्वाचित पत्रकार महासंघ कपिलवस्तुका सचिव सनिउल्ला धोबी र सदस्य माधव बेल्वासेलाई सम्मान गरिएको थियो । कार्यक्रम संघका वरिष्ठ उपाध्यक्ष जगत पौडेलको स्वागत मन्तव्य र महासचिव गोपाल बञ्जाडे लगायतले कार्यक्रमलाई सम्बोधन गरेका थिए ।
© २०२३
सर्वाधिकार सुरक्षित
Design & Developed By:
