© २०२३
२८ मंसिर २०८२, आइतबार
२८ मंसिर २०८२, आइतबार
बङ्गलादेशले वेस्ट इन्डिजसँगको तीन खेलको टी-२० अन्तर्राष्ट्रिय क्रिकेट शृङ्खलामा ‘क्लिन स्वीप’ गरेको छ। बङ्गलादेशले घरेलु टोली वेस्ट इन्डिजमाथि पहिलो पटक क्लिन स्वीप गरेको हो।
आज बिहान सम्पन्न तेस्रो र अन्तिम खेलमा बङ्गलादेशले वेस्ट इन्डिजलाई ८० रनले हरायो। बङ्गलादेशले दिएको १ सय ९० रनको लक्ष्य पछ्याउँदै वेस्ट इन्डिज १६ ओभर ४ बलमा १ सय ९ रनमा अलआउट भयो। वेस्ट इन्डिजका रोमारियो शेफहेर्डले सबैभन्दा धेरै ३३ रन बनाए। बङ्गलादेशका रिशद होसैनले ३ विकेट लिए।
यसअघि सेन्ट भिन्सेन्टमा टस जितेर ब्याटिङ गरेको बङ्गलादेशले २० ओभरमा ७ विकेट गुमाएर १ सय ८९ रन बनाएको थियो। बङ्गलादेशका जकेर अलीले नटआउट ७२ रन बनाएका थिए। वेस्ट इन्डिजका रोमारियो शेफहेर्डले २ विकेट लिए।
बङ्गलादेशले पहिलो खेल ७ रन र दोस्रो खेल २७ रनले जितेको थियो। यस अघि, वेस्ट इन्डिजले बङ्गलादेशसँगको एकदिवसीय शृङ्खलामा क्लिन स्वीप गरेको थियो। टेस्ट क्रिकेट शृङ्खलामा भने बङ्गलादेश र वेस्ट इन्डिज १-१ को बराबरीमा समाप्त भएको थियो।
© २०२३
सर्वाधिकार सुरक्षित
Design & Developed By:
