खोज

कपिलवस्तु, ५ पुस ।
कपिलवस्तु नगरपालिका क्षेत्रमा रहेको प्लास्टिकजन्य फोहर व्यवस्थापन गरि बातावरणीय संरक्षणमा टेवा पु¥याउन प्लास्टिक कम्प्रेसर मेसिन हस्तान्तरण गरिएको छ । प्लास्टिकजन्य फोहरलाई पुर्न प्रयोग गर्न प्रोत्साहन गरि चक्रिय अर्थतन्त्रमा सहयोग पु¥याउने उद्देश्यले कपिलवस्तु नगरपालिका वडा नं. १ मा रहेको संजय कवाड सेन्टरलाई पूर्ण अनुदानको मेसिन हस्तान्तरण गरिएको हो ।
कपिलवस्तु नगरपालिका वडा नम्बर १ का अध्यक्ष मोहम्मद जाहिद खाँ, दलित सामाजिक बिकास केन्द्रका कार्यकारी निर्देशक रामशरन रैदास, क्लिन अप नेपालका संयोजक सुर्य प्रकाश बस्नेत र हाम्रो शक्ति परियोजनाकी संयोजक धन कुमारी चौधरीले कबाड सेन्टरका सञ्चालक बिश्वनाथ चमारलाई मेसिन हस्तान्तरण गरे ।
आईएम स्विडिस डेभलपमेन्ट पार्टनरको सहयोग क्लिन अप नेपालको आयोजना र दलित सामाजिक बिकास केन्द्र (डिएसडीसि) को समन्वयमा “हाम्रो शक्ति” परियोजनाबाट सो सहयोग गरिएको हो । ४ लाख १५ हजार लागतको डेढ हर्सपावरको मेसिनले १ दशमलव १ केभिए बिद्युत खपत गरि प्लास्टिक बोटल सहितका सामाग्रीलाई डल्लो पार्न सहयोग गर्दछ । मेसिनको सहायताले प्लास्टिकजन्य सामाग्रीलाई कम्प्रेस गर्दा छरिएका प्लास्टिकजन्य सामग्री एकत्रित हुने, मात्रा घटने र ढुवानीमा सहजता आउछ ।

मेसिनले प्लास्टिकजन्य फोहर कम्प्रेस गर्दा प्लास्टिकजन्य फोहर व्यवस्थित भई बातावरणीय संरक्षणमा सहयोग पुग्ने क्लिन अप नेपालका संयोजक सूर्य प्रकाश बस्नेतले बताए । फोहरमैला व्यवस्थापनलाई थप व्यवस्थित बनाउन जिल्लाको कपिलवस्तु नगरपालिका र महाराजगंज नगरपालिकाको सहकार्यमा “सफा नेपाल” नामक मोबाईल एप्लिकेशन प्रयोगमा ल्याईएको परियोजनाको प्राबिधिक साझेदार संस्थाका संयोजक बस्नेतले जनाए । “दुवै पालिकामा प्रयोगमा ल्याईएको मोबाईल एपका कारण सरसफाई र फोहर व्यवस्थापनका सुचना आदानप्रदानमा नागरिकको सरोकार बढ्नुका साथै पालिकाको जवाफदेहिता बृद्धि हुने देखेका छौं ।” उनले भने ।
संकलित प्लास्टिकजन्य सामाग्री व्यवस्थित गर्न नसक्दा ति सामाग्री राख्ने स्थान कम हँुदै आएकोमा कप्रेसर मेसिनको प्रयोगले सो समस्या हट्नुका साथै प्लास्टिकजन्य सामग्री संकलन बढ्ने कबाड सेन्टरका सञ्चालक बिश्वनाथ चमारले बताए । हाम्रो शक्ति परियोजनाले कपिलवस्तु नगरपालिकाको ४, ५, ८ र १२ गरि चार वटा वडामा सामाजिक न्याय, आर्थिक शसक्तिकरण र बातावरणीय संरक्षणको क्षेत्रमा गर्दै आएको डिएसडिसीका कार्यकारी निर्देशक रामशरन रैदासले जानकारी दिए ।

परियोजनाका कार्यक्रम अन्तर्गत गाउँगाउँमा सचेतना अभिबृद्धि गरि प्लास्टिकजन्य फोहर संकलन गरिदै आएको परियोजनाकी संयोजक धन कुमारी चौधरीले बताईन । कम्प्रेसर मेसिनको प्रयोगले नगर क्षेत्रको फोहर संकलन र व्यवस्थापनलाई सहयोग पुर्याउने उनको बुझाई छ । नगर क्षेत्रमा प्लास्टिकजन्य फोहर बढि निस्कने भएकाले ति फोहरमैला व्यवस्थापन गर्नका लागी मेसिन प्रयोग सहयोगी हुने कपिलवस्तु नगरपालिका वडा नम्बर १ का अध्यक्ष मोहम्मद जाहिद खाँले बताए । नगर सरसफाईको कार्यमा स्थानिय तह, संघसंस्था र स्थानिय नागरिकको सहकार्य आवश्यक रहेकोमा उनले जोड् दिए ।