खोज

जितपुर, ०४ पौष ।
कपिलवस्तु, चारनम्बरस्थित श्री सिद्धार्थ ट्रेडसले बुधबार दुई नयाँ हिरो मोटरसाइकल सार्वजनिक गरेको छ । हिरो मोटोकर्पका उत्कृष्ट मोडेलहरू एक्स्ट्रिम १६० आर फोरमी र एक्स्ट्रिम १२५ आर अब कपिलवस्तुमा पनि उपलब्ध हुने भएका छन् ।
शोरुमका सञ्चालक नारायण पौडेलका अनुसार हिरोले विश्वव्यापी रुपमा उत्कृष्ट उत्पादनहरू बजारमा ल्याउने प्रतिबद्धता पूरा गरिरहेको छ । यो क्रममा नयाँ मोडेलहरूको सार्वजनिक भएको हो। उनले यी मोटरसाइकललाई शक्तिशाली, आकर्षक र उच्च गुणस्तरयुक्त भनेका छन्। सिद्धार्थ ट्रेडसले १८ वर्षदेखि सिजीका उत्पादनहरू आधिकारिक रूपमा विक्री गर्दै आएको जानकारी समेत उनले दिए ।
कार्यक्रममा कपिलवस्तु उद्योग वाणिज्य संघका अध्यक्ष गणेश बहादुर क्षेत्रीले शोरुमको योगदानको प्रशंसा गर्दै सार्वजनिक मोटरसाइकलहरूले सफलता पाउने विश्वास व्यक्त गरे। अन्य वक्ताहरूले पनि हिरोका उत्पादनहरू विगतदेखि नै उपभोक्तामाझ लोकप्रिय रहेको बताए ।
हिरो मोटोकर्पका एसिया सेल्स म्यानेजर नेत्र कुँवरले सार्वजनिक मोटरसाइकलहरूको विशेषता र मूल्यबारे जानकारी दिएका थिए । उनका अनुसार, एक्स्ट्रिम १६० आर फोरभी (प्रो) को मूल्य ३ लाख ८४ हजार ९०० रुपैयाँ र एक्स्ट्रिम १२५ आर को मूल्य सीबीएस भेरियन्टका लागि २ लाख ८९ हजार ९०० रुपैयाँ तथा एबीएस भेरियन्टका लागि ३ लाख ११ हजार ९०० रुपैयाँ तोकिएको छ । युवाहरुलाई लक्षित गरेर सार्वजनिक गरिएको उक्त मोटरसाइकल लन्च भएकै दिन कपिलवस्तुमा ९ वटा मोटरसाइकल बिक्रि भएको ट्रेडर्सका सञ्चालक नारायण पौडेलले बताए ।
यी दुवै मोडेलहरू नवलपरासीस्थित सीजी इन्डस्ट्रियल पार्कमा अत्याधुनिक असेम्ब्ली प्लान्टमा तयार भएका हुन् । त्यहाँ एक्सपल्स २०० फोरभी, सुपर स्प्लेन्डर, स्प्लेन्डर प्लस र जुम ११० स्कूटर पनि असेम्बल गरिन्छ ।
कार्यक्रमको सञ्चालन सेल्स इन्चार्ज शिव पौडेलले गरेका थिए भने स्वागत मन्तव्य म्यानेजर बाबुराम पौडेलले राखेका थिए । पहिलो ग्राहकका रूपमा बाणगंगा नगरपालिका–५ का रमेश पोख्रेललाई चाबी हस्तान्तरण गरिएको थियो ।