© २०२३
२९ मंसिर २०८२, सोमबार
२९ मंसिर २०८२, सोमबार
बुटवल, २ पुस । स्कलर्स होम बोर्डिङ सेकेण्डरी स्कुलले आफनो ३३ औँ वार्षिकोत्सब विकट गाउको एक विद्यालयमा शैक्षिक सामग्री वितरण गरि मनाएको छ । सामाजिक उत्तरदायित्व अन्तरगत गुल्मी जिल्लाको छत्रकोट गाँउपालिका वडा नम्बर—६ मा स्थित श्री आदर्श आधारभूत विद्यालयमा अध्ययरत विद्यार्थीहरुलाई शैक्षिक सामग्री वितरण गरेको हो । विद्यालय परिसरमा गरिएको कार्यक्रममा स्कुलका सहप्राचार्य टीकाराम गौतम र लेखा शाखाका नमराज बन्जाडेले विद्यार्थीहरुलाई शैक्षिक सामग्री वितरण गरे ।
कार्यक्रममा स्कुलका सहप्राचार्य टीकाराम गौतमले प्रत्येक वर्ष वार्षिकोत्सवको अवसरमा विद्यालयबाट विभिन्न रचनात्मक र खेलकुद गतिविधिसंगै सामाजिक उत्तरदायित्वका कार्यक्रमलाई जोड दिदै आएको बताए । ‘हामीले यसवर्ष जिल्ला बाहिरको सामुदायिक विद्यालयलाई सहयोग गरेका छौ ।’—उनले भने । सामुदायिक विद्यालयको माग अनुसार आफुहरुले शैक्षिक सामाग्रीहरु वितरण गरेको भन्दै आगामी दिनहरुमा समेत सहयोग गर्ने उनले प्रतिवद्धता जनाए ।
यसैगरि आदर्श आधारभूत विद्यालयका प्रधानाध्यापक कमल घिमिरेमार्फत विद्यालयको पुस्तकालयमा आवश्यक पुस्तकहरूसमेत वितरण गरिएको छ ।
© २०२३
सर्वाधिकार सुरक्षित
Design & Developed By:
