© २०२३
६ पुष २०८२, आइतबार
६ पुष २०८२, आइतबार
काठमाडौं, २ पुस ।
सहकारी ठगी प्रकरणमा कास्की प्रहरीको हिरासतमा रहेका राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेलाई थप चार दिन हिरासतमा राख्न प्रहरीले अदालतमा अनुमति मागेको छ।
मंगलबार अदालतमा उपस्थित गराइएका लामिछानेमाथि थप चार दिन हिरासतमा राख्न कास्कीका एसपी श्यामबाबु ओलियाले माग गरेको जानकारी दिएका छन्।
प्रहरीले लामिछानेसँगै गोर्खा मिडियाका पूर्व उपाध्यक्ष छविलाल जोशी, नेचर हर्ब्सका सञ्चालक रामबहादुर खनाल, र जीबी राईका सहयोगी लिला पछाईंलाई पनि म्याद थपका लागि अदालतमा उपस्थित गराएको हो। अदालतले उनीहरूको म्याद बढाउने विषयमा निर्णय भने बाँकी राखेको छ।
सोमबार, प्रहरीले पोखराको सूर्यदर्शन सहकारी ठगी प्रकरणमा अनुसन्धानको प्रतिवेदन जिल्ला सरकारी वकिलको कार्यालयमा बुझाएको थियो। ८४ दिनको अनुसन्धानपछि यसमा लामिछानेसहित ५१ जनालाई प्रतिवादी बनाइएको छ। तीमध्ये ३७ जना फरार रहेका छन्। प्रहरीको राय अनुसार, उनीहरूविरुद्ध १ अर्ब ५१ करोड बिगो मागदाबी गर्नुपर्ने बताइएको छ।
संसदीय समितिको प्रतिवेदनअनुसार, रवि लामिछाने अन्य सहकारी संस्थासँग मिलेर रकम गोर्खा मिडियामा लगेर अपचलन गरेको आरोपमा कारबाही सिफारिस गरिएको थियो।
© २०२३
सर्वाधिकार सुरक्षित
Design & Developed By:
