© २०२३
२४ मंसिर २०८२, बुधबार
२४ मंसिर २०८२, बुधबार
चितवन ।
मनकामना दर्शन प्रालिका नायब प्रबन्धक उज्वल शेरचनका अनुसार, केबलकारको मर्मत सम्भारका कारण आगामी पुस १ र २ गते सेवा बन्द रहनेछ। मर्मत कामपछि पुस ३ गते बुधबारदेखि सेवा पुनः नियमित रूपमा सञ्चालन हुने जानकारी दिइएको छ।
यस अवधिमा ‘वटम स्टेशन’ स्थित रेष्टुरेन्ट सेवा भने यथावत सञ्चालन हुने मनकामना दर्शन प्रालिले जनाएको छ। केबलकारको बन्द हुनुका कारण भक्तजन र पर्यटकहरूलाई असुविधा नहोस भनेर व्यवस्थापनले मर्मत कार्यको समय तय गरेको हो।
मनकामना मन्दिर जाने दर्शनार्थीहरूका लागि नेपालमा पहिलो पटक २०५५ सालमा मनकामना केबलकारको सेवा सुरु गरिएको थियो। केबलकारको प्रवेशद्वार चितवनको इच्छकामना गाउँपालिका–४, चेरेसस्थित वटम स्टेशनमा रहेको छ।
© २०२३
सर्वाधिकार सुरक्षित
Design & Developed By:
