खोज

जितपुर, ३० मंसिर  ।
श्रृङ्गीघाट सामुदायिक वन उपभोक्ता समूहका नवनिर्वाचित पदाधिकारीहरूले आइतबार औपचारिक सपथ ग्रहण गर्दै पदभार ग्रहण गरेका छन् । बाणगंगा नगरपालिका–४, ठाकुरापुरस्थित पिस हिमालयन रिसोर्टमा आयोजित कार्यक्रमका बीच निर्वाचन मण्डलका संयोजक रामजी सेनले पदाधिकारीहरूलाई सपथ गराएका हुन् ।

गणेश बहादुर सिंह ठकुरी (सुशील) दोस्रो कार्यकालका लागि सर्वसम्मत रूपमा अध्यक्षमा निर्वाचित भएका छन् । उपाध्यक्षमा बुद्ध बहादुर शाही, सचिवमा कमला सेन सुष्मा, सह–सचिवमा हरि प्रसाद पौडेल, र कोषाध्यक्षमा विना राना बुढाथोकी निर्वाचित भएका छन्। कार्यसमिति सदस्यमा १५ जना चयन भएका छन्, जसमा लिलाराम चमार, सीता गैरे, भोजराज आचार्य, शोभाखर पौडेल, विष्णु वि.सी., मिना थारु, सुनिता श्रेष्ठ, पोखराज थारु, मथुरा आचार्य, गीता वि.सी., होम बहादुर सेन, हरि बहादुर पुन, र ज्ञानु कुमारी नेपाली रहेका छन् । लेखा समितिको संयोजकमा गुरुदेव पौडेल चयन भएका छन् ।

नगरप्रमुख चक्रपाणी अर्यालले नवनिर्वाचित कार्यसमितिलाई शुभकामना दिंदै श्रृङ्गीघाट सामुदायिक वनलाई जिल्लाको उदाहरणीय वनको रूपमा उल्लेख गरे। उनले सामुदायिक वनहरूले संरक्षण र प्रवर्द्धनका साथै समाजका विभिन्न क्षेत्रमा योगदान पु¥याइरहेको भन्दै वनको सही व्यवस्थापन र बजेटको सदुपयोगमा जोड दिए ।

कार्यक्रममा मोतीपुर सब–डिभिजन वन कार्यालय प्रमुख ऐजाज अहमद अन्सारी र पिपरा सब–डिभिजन वन कार्यालय प्रमुख मोहन मिश्रले वन व्यवस्थापनका चुनौतीप्रति चिन्ता व्यक्त गर्दै दक्ष कर्मचारी नियुक्ति र संरक्षणका थप उपायहरू अपनाउन सुझाव दिए ।
नवनिर्वाचित अध्यक्ष गणेश बहादुर सिंह ठकुरीले सबैलाई मिलाएर वनलाई प्रदेश हुँदै राष्ट्रकै नमुना वन बनाउन प्रयास गर्ने प्रतिबद्धता जनाए । उनले “हरियो वन, बाणगंगाको धन” नारालाई सार्थक बनाउन दिगो विकास र संरक्षणमा ध्यान दिने बताए ।

कार्यक्रममा स्थानीय राजनीतिक दलका प्रतिनिधिहरूले सहमति र सहकार्य गर्दै अगाडि बढ्न सुझाव दिएका थिए। निवर्तमान पदाधिकारीहरूलाई सम्मान पत्र प्रदान गर्दै निर्वाचन मण्डल सदस्य बेदराज नेपालीको स्वागत मन्तव्य र चेतना अधिकारीको सञ्चालनमा कार्यक्रम सम्पन्न भएको थियो।