खोज

बुटवल, ३० मंसिर ।
पर्यावरण वातावरणमैत्री नयाँ चारपांग्रे जिक्कर लन्च गरिएको छ । नेपालमा अटोमोबाईल क्षेत्रमा अग्रसर शारदा ग्रुप अन्तर्गतको पायनियर मोटो कपले जिलिको ईभि जिक्कर एक्स भित्राएको हो । एक समारोहका बिच बुटवल उद्योग वाणिज्य संघका अध्यक्ष हरि अर्याल, बुटवल उद्योग वाणिज्य संघका पूर्व अध्यक्ष उज्वल कसजु, उपाध्यक्ष सुरज भट्टराई, पायनियर मोटो कपका जिएम ज्ञानेन्द बहादुर चन्दले रूपन्देहीमा लन्च गरेका हुन ।
कार्यक्रममा बुटवल उद्योग वाणिज्य संघका अध्यक्ष हरि अर्यालले समयसापेक्ष ईभि सवारीमा थप सुविधासम्पन्न चार पांग्रे अगाडि आएको बताए । चाईनामा जिलि कम्पनी विगत ३ दशकअघि स्थापना भएर मोटर उत्पादनमा लागेको बताए । सवारीको बजारमा सहज उपलब्धतासँगै विक्रिपछिको सेवा सुबिधालाई मुख्य जोड दिने गरिएको उनले बताए । रिसेल भ्यालु, सहज चार्जिङको समेत ब्यवस्थामा जोड दिनुपर्ने उनले सुझाव दिए । सडक संजाल निर्माण पुरा भएसँगै नया सवारीको बिक्रीमा थप हुनेमा आशाबादी रहेको उनले बताए ।
कार्यक्रममा पायनियर मोटो कपका जिएम ज्ञानेन्द बहादुर चन्दले नेपालमा ईभी तिब्र गतिमा बिस्तार भएको दाबी गरे । नेपालमा विद्युत सस्तो, सहज उत्पादन, सवारीको प्रविधि निक्कै आकर्षक रहेको उनले बताए । ईभीको धेरै ब्रान्ड बजारमा आएको भएपनि त्यसमा जिक्कर फरक रहेको उनले दाबी गरे । उत्पादन कम्पनी र त्यसको विश्वब्यापी रेकिङ, नेपाली बजारमा ल्याउने ईम्पोर्टेर र सेवापछिको सेवा कस्तो सुबिधा दिन्छ भन्ने मुख्य भएको उनले बताए । चार्जिङ स्टेशनमा कस्तो लगानी गरेको छ त्यो मुख्य भएको उनले बताए । काठमाडौ पछि लुम्बिनी ईभिको दोस्रो ठुलो बजार भएको उनले बताए । युरोपमा विकास भएको प्रविधि जेक्कर चाईनामा उत्पादन भएको उनले दाबी गरे । विश्वब्यापी रूपमा नेदरल्यान्ड, काजकिस्तान, दुबई, फिलिपिन्स, थाईलैण्ड, हङकङ, मेक्सिको, सिगापुर र नेपालमा लन्च भएको उनले बताए । चाईनामा सन १९८६ मा उद्योग शुरु गरेको जेलिले सन १९९६ मा संचालक एरिक लि ले अटोमोबाईल शुरु गरेका थिए । मोटरको ४४० किलोमिटर रेन्ज रहेको छ ।
कार्यक्रममा बुटवल स्वरुम हेड राजु थापाले रूपन्देहीमा ईभीको राम्रो बजार रहेको बताए । नेपालका २५ स्थानमा चार्जिङ स्टेसन बनाईसकेको भन्दै सय बढि स्थानमा निर्माणको तयारी रहेको उनले बताए ।