© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं ।
सेती नदीमा निर्माणाधीन तनहुँ जलविद्युत आयोजना, जसको क्षमता १४० मेगावाट रहेको छ, अहिले समग्र भौतिक प्रगति ६३ प्रतिशत पुगिसकेको छ। एशियाली विकास बैंक (एडीबी) र नेपाल विद्युत प्राधिकरणको उच्चस्तरीय टोलीले आयोजना स्थलको अनुगमन गरी निर्माण प्रगतिको अवलोकन गरेका छन्।
एडीबीको नेपाल आवासीय नियोगका निर्देशक आर्नोड कुश्वा र प्राधिकरणका कार्यकारी निर्देशक कुलमान घिसिङको नेतृत्वमा पुगेको टोलीले आयोजना प्रगति र समस्याबारे जानकारी लिएको हो। प्राधिकरणका कार्यकारी निर्देशक घिसिङले सुख्खायाममा विद्युत माग र आपूर्तिको असन्तुलनलाई समाधान गर्न जलाशययुक्त तनहुँ आयोजनाको महत्त्वपूर्ण भूमिका रहने बताए।
आयोजनाको मुख्य संरचनालाई तीन प्याकेजमा विभाजन गरिएको छ। प्याकेज–१ अन्तर्गत मुख्य बाँधको तल्लो तहमा ग्राउटिङ भइरहेको छ र निर्माण छिट्टै सुरु गर्न लागिएको छ। प्याकेज–२ अन्तर्गत जलाशयको मुहानदेखि पेनस्टक पाइपको स्थानसम्म १४९३ मिटर लामो सुरुङ निर्माण कार्य भइरहेको छ। ६३ प्रतिशत प्रगतिको साथ, आयोजनाको निर्माण कार्य २०८३ असारसम्म पूरा हुने लक्ष्य राखिएको छ।
© २०२३
सर्वाधिकार सुरक्षित
Design & Developed By:
